Surah Al Baqarah Ayat 144 (2:144)

{قد نرى تقلب وجهك فی السمآء: بیشک ہم تمہارے چہرے کا اسمان کی طرف باربار اٹھنا دیکھ رہے ہیں۔} جب حضور اقدس صلی اللہ تعالی علیہ والہ وسلم مدینہ منورہ میں تشریف لائے تو انہیں بیت المقدس کی طرف منہ کر کے نماز پڑھنے کا حکم دیا گیا اورنبی کریم صلی اللہ تعالی علیہ والہ وسلم نے اللہ تعالی کے حکم کی پیروی کرتے ہوئے اسی طرف منہ کر کے نمازیں ادا کرنا شروع کر دیں۔ البتہ حضور پر نور صلی اللہ تعالی علیہ والہ وسلم کے قلب اطہر کی خواہش یہ تھی کہ خانہ کعبہ کو مسلمانوں کا قبلہ بنادیاجائے اس کی وجہ یہ نہیں تھی کہ بیت المقدس کو قبلہ بنایاجانا حضور اکرم صلی اللہ تعالی علیہ والہ وسلم کوناپسند تھا بلکہ ا س کی ایک وجہ یہ تھی کہ خانہ کعبہ حضرت ابراہیم علیہ الصلوۃ والسلام اور ان کے علاوہ کثیر انبیاء کرام علیہم الصلوۃ والسلام کاقبلہ تھا اور ایک وجہ یہ تھی بیت المقدس کی طرف منہ کر کے نماز پڑھنے کی وجہ سے یہودی فخر و غرور میں مبتلاء ہو گئے اور یوں کہنے لگے تھے کہ مسلمان ہمارے دین کی مخالفت کرتے ہیں لیکن نماز ہمارے قبلہ کی طرف منہ کر کے پڑھتے ہیں۔ چنانچہ ایک دن نماز کی حالت میں حضور اقدس صلی اللہ تعالی علیہ والہ وسلم اس امید میں باربار اسمان کی طرف دیکھ رہے تھے کہ قبلہ کی تبدیلی کا حکم اجائے اس پر نماز کے دوران یہ ایت کریمہ نازل ہوئی جس میں حضور انور صلی اللہ تعالی علیہ والہ وسلم کی رضا کو رضائے الہی قرار دیتے ہوئے اور اپ صلی اللہ تعالی علیہ والہ وسلم کے چہرہ انور کے حسین انداز کو قران میں بیان کرتے ہوئے اپ صلی اللہ تعالی علیہ والہ وسلم کی خواہش اور خوشی کے مطابق خانہ کعبہ کو قبلہ بنادیا گیا۔ چنانچہ آپ صلی اللہ تعالی علیہ والہ وسلم نماز ہی میں خانہ کعبہ کی طرف پھر گئے مسلمانوں نے بھی آپ صلی اللہ تعالی علیہ والہ وسلم کے ساتھ اسی طرف رخ کیا اورظہر کی دو رکعتیں بیت المقدس کی طرف ہوئیں اور دو رکعتیں خانہ کعبہ کی طرف منہ کر کے ادا کی گئیں۔ خدا چاہتا ہے رضائے محمد: اس ایت سے معلوم ہوا کہ اللہ تبارک وتعالی کو اپنے حبیب صلی اللہ تعالی علیہ والہ وسلم کی رضا بہت پسند ہے اور اللہ تعالی اپنے حبیب صلی اللہ تعالی علیہ والہ وسلم کی رضاکو پورا فرماتا ہے۔ امام فخر الدین رازی رحمۃ اللہ تعالی علیہ فرماتے ہیں ’’بے شک اللہ تعالی نے اپنے حبیب صلی اللہ تعالی علیہ والہ وسلم کی وجہ سے قبلہ تبدیل فرما یا اور اس ایت میں یوں نہیں فرمایا کہ ہم تمہیں اس قبلہ کی طرف پھیر دیں گے جس میں میری رضا ہے بلکہ یوں ارشاد فرمایا: فلنولینك قبلة ترضىها ترجمہ کنزالعرفان:تو ضرور ہم تمہیں اس قبلہ کی طرف پھیردیں گے جس میں تمہاری خوشی ہے۔ توگویا کہ ارشاد فرمایا: ’’اے حبیب! صلی اللہ تعالی علیہ والہ وسلم ہر کوئی میری رضا کا طلبگار ہے اور میں دونوں جہاں میں تیری رضا چاہتا ہوں۔ (تفسیرکبیر البقرۃ تحت الایۃ: ۱۴۳ ۲ / ۸۲) اعلی حضر ت امام احمد رضا خان رحمۃاللہ تعالی علیہ فرماتے ہیں ’’بلاشبہہ حضور اقدس صلی اللہ تعالی علیہ والہ وسلم اللہ تعالی کی مرضی کے تابع ہیں اور بلاشبہہ اپ صلی اللہ تعالی علیہ والہ وسلم کوئی بات اللہ تعالی کے حکم کے خلاف نہیں فرماتے اور بلاشبہہ اللہ تعالی حضور اقدس صلی اللہ تعالی علیہ والہ وسلم کی رضاچاہتا ہے۔ (جب نبی کریم صلی اللہ تعالی علیہ والہ وسلم مدینہ منورہ تشریف لائے تو) اللہ تعالی کا حکم یہ تھا کہ بیت المقدس کی طرف منہ کر کے نماز پڑھی جائے حضور پر نور صلی اللہ تعالی علیہ والہ وسلم تابع فرمان تھے اور یہ حضور اقدس صلی اللہ تعالی علیہ والہ وسلم کی طرف سے اللہ تعالی کی رضا جوئی تھی مگر اپ صلی اللہ تعالی علیہ والہ وسلم کا قلب اقدس یہ چاہتا تھا کہ کعبہ کی طرف منہ کر کے نماز پڑھی جائے اللہ تعالی نے اپنے حبیب صلی اللہ تعالی علیہ والہ وسلم کی مرضی مبارک کے لئے اپنا وہ حکم منسوخ فرمادیا اور حضور صلی اللہ تعالی علیہ والہ وسلم جو چاہتے تھے قیامت تک کے لئے وہ ہی قبلہ مقرر فر مادیا یہ اللہ تعالی کی طرف سے اپنے حبیب صلی اللہ تعالی علیہ والہ وسلم کی رضاجوئی ہے ان میں سے جس کا انکار ہو گا تو وہ قران عظیم کا انکار ہے۔ ام المومنین حضرت عائشہ صدیقہ رضی اللہ تعالی عنہا رسول اللہ صلی اللہ تعالی علیہ والہ وسلم سے عرض کرتی ہیں ’’ما اری ربک الا یسارع فی ہواک‘‘ میں حضور صلی اللہ تعالی علیہ والہ وسلم کے رب عزوجل کو دیکھتی ہوں کہ وہ حضور صلی اللہ تعالی علیہ والہ وسلم کی خواہش پوری کرنے میں جلدی فرماتا ہے۔(بخاری کتاب التفسیر باب ترجی من تشاء منہن۔۔۔ الخ ۳ / ۳۰۳ الحدیث: ۴۷۸۸) حدیث روز محشر میں ہے رب عز وجل اولین واخرین کو جمع کرکے حضور اقدس صلی اللہ تعالی علیہ والہ وسلم سے فرمائے گا:’’کلھم یطلبون رضائی وانااطلب رضاک یامحمد‘‘یہ سب میری رضاچاہتے ہیں اور اے محبوب! میں تمہاری رضا چاہتا ہوں۔( فتاوی رضویہ۱۴ / ۲۷۵-۲۷۶ ملخصا) خدا کی رضا چاہتے ہیں دو عالم خدا چاہتا ہے رضائے محمد نیز جس طرح اللہ تعالی نے اپنے حبیب صلی اللہ تعالی علیہ والہ وسلم کی خوشی کیلئے تا قیامت کعبہ کو مسلمانوں کا قبلہ بنادیااسی طرح اپ صلی اللہ تعالی علیہ والہ وسلم کی خوشی کیلئے اپ کی امت پر پچاس نمازوں کو کم کرکے پانچ فرض کی گئیں۔ اپ صلی اللہ تعالی علیہ والہ وسلم کی خوشی کیلئے بدر و حنین میں فرشتے اترے۔ اپ صلی اللہ تعالی علیہ والہ وسلم کی خوشی کیلئے معراج کی سیر کرائی گئی۔ اپ صلی اللہ تعالی علیہ والہ وسلم کی خوشی کیلئے امتیوں کے گناہ معاف ہوں گے۔ اپ صلی اللہ تعالی علیہ والہ وسلم کی خوشی کیلئے اپ صلی اللہ تعالی علیہ والہ وسلم کو حوض کوثر عطا ہوا۔ اپ صلی اللہ تعالی علیہ والہ وسلم کی خوشی کے لئے امتیوں کی نیکیوں کے پلڑے بھاری ہوں گے پل صراط سے سلامتی سے گزریں گے اور جنت میں داخل ہوں گے۔ اللہ تعالی فرماتا ہے: و لسوف یعطیك ربك فترضى (الضحی:۵) ترجمہ کنزالعرفان: اور بیشک قریب ہے کہ تمہارا رب تمہیں اتنا دے گا کہ تم راضی ہوجاؤ گے۔ اعلی حضرت امام احمد رضا خان رحمۃاللہ تعالی علیہ کیا خوب فرماتے ہیں : تو جو چاہے تو ابھی میل میرے دل کے دھلیں کہ خدا دل نہیں کرتا کبھی میلا تیرا اور فرماتے ہیں : رضا پل سے اب وجد کرتے گزریے کہ ہے رب سلم صدائے محمد {و حیث ما كنتم فولوا وجوهكم شطره: اور اے مسلمانو!تم جہاں کہیں ہو اپنا منہ اسی کی طرف کرلو۔}یعنی اے مسلمانو! تم زمین کے جس حصے میں بھی ہواور وہاں نماز پڑھنے لگو تو اپنا منہ خانہ کعبہ کی طرف کر لو۔(مدارک البقرۃ تحت الایۃ: ۴۴ ص۸۴) استقبال قبلہ سے متعلق چند ضروری مسائل: اس ایت میں مسلمانوں کو قبلہ کی طرف منہ کرنے کا حکم دیاگیا اس لئے یہاں نماز میں استقبال قبلہ سے متعلق چند مسائل ذکر کئے جاتے ہیں : (1) … نما زمیں کعبہ شریف کی طرف منہ کرنا شرط ہے۔ (2)…جو شخص عین کعبہ کی سمت خاص معلوم کر سکتا ہےاگرچہ کعبہ اڑ میں ہو جیسے مکہ معظمہ کے مکانوں میں جب کہ مثلا چھت پر چڑھ کر کعبہ کو دیکھ سکتے ہیں تو عین کعبہ کی طرف منہ کرنا فرض ہے جہت(کی طرف منہ کرنا) کافی نہیں اور جو شخص عین کعبہ کی سمت خاص معلوم نہیں کر سکتا اگرچہ وہ خاص مکہ معظمہ میں ہو اس کے لئے کعبہ کی جہت کی طرف منہ کرنا کافی ہے۔ (3) …کعبہ کی جہت کی طرف منہ ہونے کا معنی یہ ہے کہ منہ کی سطح کا کوئی جز کعبہ کی سمت میں واقع ہو ۔ (4)…اگر کسی شخص کو کسی جگہ قبلہ کی شناخت نہ ہو نہ کوئی ایسا مسلمان ہو جو بتا دےنہ وہاں مسجدیں محرابیں ہیں نہ چاند سورج ستارے نکلے ہوں یا نکلے تو ہوں مگر اس کو اتنا علم نہیں کہ ان سے قبلہ کی سمت معلوم کر سکےتو ایسے کے لئے حکم ہے کہ وہ سوچے اور جدھر قبلہ ہونا دل پر جمے ادھر ہی منہ کرےاس کے حق میں وہی قبلہ ہے۔ (بہار شریعت نماز کی شرطوں کا بیان ۱ / ۴۸۷-۴۸۹) مزید تفصیل کے لئے بہار شریعت کے تیسرے حصے کا مطالعہ کریں۔ {لیعلمون انه الحق من ربهم: وہ ضرور جانتے ہیں کہ یہ تبدیلی ان کے رب کی طرف سے حق ہے۔} یعنی قبلہ کی اس تبدیلی کے بارے میں اہل کتاب جانتے ہیں کہ یہ اللہ تعالی کی طرف سے حق ہے کیونکہ ان کی کتابوں میں حضور اقدس صلی اللہ تعالی علیہ والہ وسلم کے اوصاف کے سلسلہ میں یہ بھی مذکور تھا کہ آپ صلی اللہ تعالی علیہ والہ وسلم بیت المقدس سے کعبہ کی طرف پھریں گے اور ان کے انبیاء علیہم الصلوۃ والسلام نے بشارتوں کے ساتھ حضور پر نور صلی اللہ تعالی علیہ والہ وسلم کی یہ نشانی بتائی تھی کہ آپ صلی اللہ تعالی علیہ والہ وسلم بیت المقدس اور کعبہ دونوں قبلوں کی طرف منہ کر کے نماز پڑھیں گے۔