Surah Al Baqarah Ayat 176 (2:176)

{فی الكتب: کتاب میں۔} کتاب سے مراد قران شریف ہے یا توریت شریف پہلی صورت میں اختلاف سے مراد ہو گا نہ ماننا اور دوسری صورت میں اس سے مراد ہو گا صحیح طور پر نہ ماننا کیونکہ یہودی قران کو تو بالکل نہ مانتے تھے اور توریت کو ماننے کے دعویدار تھے مگر صحیح طور پر نہ مانتے تھے ورنہ حضور اکرم صلی اللہ تعالی علیہ والہ وسلم پر ایمان لے اتے۔ایک قول یہ ہے کہ یہ آیت مشرکین کے حق میں نازل ہوئی اس صورت میں کتاب سے قرآن ہی مرادہوگا اور ان کا اختلاف یہ تھا کہ ان میں سے بعض قران کو شعر کہتے تھے بعض جادو اور بعض کہانت کہا کرتے تھے۔(تفسیر قرطبی البقرۃ تحت الایۃ: ۱۷۶ ۱ / ۱۸۱ الجزء الثانی)