Surah Al Baqarah Ayat 236 (2:236)

{ما لم تمسوهن: جب تک تم نے انہیں نہ چھوا ہو۔} ایت میں مہر کے چند مسائل کا بیان ہے: جس عور ت کا مہر مقرر کئے بغیر نکاح کردیا گیاہو اگر اس کو ہاتھ لگانے سے پہلے طلاق دیدی تو کوئی مہر لازم نہیں ہاتھ لگانے سے ہم بستری کرنا مراد ہے اور خلوت صحیحہ بھی اسی کے حکم میں ہے۔ یہ بھی معلوم ہوا کہ مہر کا ذکر کئے بغیر بھی نکاح درست ہے مگر اس صورت میں اگر خلوت صحیحہ ہو گئی یا دونوں میں سے کوئی فوت ہو گیا تو مہر مثل دینا واجب ہے بشرطیکہ نکاح کے بعد انہوں نے اپس میں کوئی مہر طے نہ کرلیا ہو اور اگر خلوت صحیحہ سے پہلے طلاق ہو گئی تو تین کپڑوں یعنی کرتا شلوار اور دوپٹے پر مشتمل ایک جوڑا سوٹ دینا واجب ہوتا ہے یہاں ایت میں اسی کا بیان ہے اوراگرجوڑے کی جگہ اس کی قیمت دیدے تو یہ بھی ہو سکتا ہے ۔ نیز جس عورت کا مہر مقرر نہ کیا ہو اوراس کوخلوت صحیحہ سے پہلے طلاق دیدی ہو اس کو تو جوڑا دینا واجب ہے اور اس کے سواہر مطلقہ کے لیے مستحب ہے۔ {على الموسع قدره: مالدار پر اس کی طاقت کے مطابق دینالازم ہے۔} امیر و غریب پر ان کی حیثیت کے مطابق جوڑا دینے کا حکم ہے یعنی اگر مرد و عورت دونوں مالدار ہوں تو جوڑا اعلی درجے کا ہو اور اگر دونوں محتاج ہوں تو جوڑا معمولی درجے کا اور ایک مالدار ہو اور ایک محتاج تو جوڑا درمیانے درجے کا ہو۔(عالمگیری کتاب النکاح الباب السابع الفصل الثانی ۱ / ۳۰۴)