Surah Al Baqarah Ayat 266 (2:266)

{ایود احدكم: کیا تم میں کوئی یہ پسند کرے گا۔} ارشاد فرمایاکہ کیا تم میں کوئی شخص یہ پسند کرے گا مراد یہ ہے کہ کوئی یہ پسند نہ کرے گا کیونکہ یہ بات کسی عاقل کیلئے قابل قبول نہیں کہ اس کا باغ ہو جس میں قسم قسم کے درخت ہوں پھلوں سے لدا ہوا ہو وہ باغ فرحت انگیز و دلکشا بھی ہو اور نافع اور عمدہ بھی ادمی اسے اپنے بڑھاپے کا سہارا سمجھتا ہو جو انسان کی حاجت کا وقت ہوتا ہے اور آدمی کمانے کے قابل نہیں رہتا اور اس بڑھاپے میں اس کے چھوٹے چھوٹے بچے ہوں جو کمانے کے قابل نہ ہوں اوروہ پرورش کے محتاج ہوں۔ الغرض وہ وقت انتہائی شدید محتاجی کا ہوتا ہے لیکن اس بڑھاپے اور حاجت کے وقت شدید قسم کی اندھی چلے جس میں بگولے ہوں اور ان بگولوں میں اگ ہو اور وہ اگ ادمی کے مستقبل کے اس واحد سہارے یعنی باغ کو جلا کر راکھ کر دے تو اس وقت ادمی کے رنج و غم اور حسرت ویاس کاکیا عالم ہوگا اللہ اکبر یہی حال اس شخص کا ہے جس نے اعمال حسنہ تو کیے ہوں مگر رضائے الہی کے لیے نہیں بلکہ ریا کاری کی غرض سے کئے اور وہ اس گمان میں ہو کہ میرے پاس نیکیوں کا ذخیرہ ہے مگر جب شدت حاجت کا وقت یعنی قیامت کا دن آئے تو اللہ تعالی ان اعمال کو نامقبول کردے اور اس وقت اس کو کتنا رنج اور کتنی حسرت ہوگی ۔ اللہ تعالی یہ ایات اس لئے بیان فرماتا ہے تاکہ اے لوگو! تم غور و فکر کرو اور سمجھو کہ دنیا فانی ہے اوراخرت ضرور آنی ہے تو اس اخرت کیلئے عمل کرو اور اپنے اعمال میں اخلاص پیدا کرو۔ اللہ اکبر کس قدر دل دہلا دینے والی مثال ہے۔ اے کاش کہ ہم سمجھ جائیں اور اپنے تمام اعمال نماز ذکرو درود تلاوت و نعت خوانی حج و عمرہ زکوۃو صدقات وغیرہ کو ریاکاری کی تباہ کاری سے بچا لیں اور اپنے اعمال کا محاسبہ کرنا شروع کردیں۔ ([1]) [1] ... ریاکاری اور دیگر باطنی امراض کے علاج کا ذہن پانے کے لئے دعوت اسلامی کے مدنی ماحول سے وابستہ ہو جائیں۔