Surah Al Anbiya Ayat 66 (21:66)

{قال:فرمایا۔} اس ایت اور ا س کے بعد والی ایت کا خلاصہ یہ ہے کہ حضرت ابراہیم علیہ الصلوۃ والسلام نے انہیں جواب دیا : تو کیا تم اللہ تعالی کے سوا اس کی عبادت کرتے ہو جس کا حال یہ ہے کہ اگر تم اسے پوجو تو وہ تمہیں نفع نہیں دیتا اور اگر اسے پوجنا موقوف کر دو تو وہ تمہیں نقصان نہیں پہنچاتا۔ تم پر اور اللہ تعالی کے سوا جن کی تم عبادت کرتے ہو ان پر افسوس ہے تو کیا تمہیں عقل نہیں کہ اتنی سی بات بھی سمجھ سکو کہ یہ بت کسی طرح پوجنے کے قابل نہیں ۔( خازن الانبیاء تحت الایۃ: ۶۶-۶۷ ۳ / ۲۸۱)