Surah An Noor Ayat 39 (24:39)

{و الذین كفروا: اور جو کافر ہوئے۔} اس سے پہلی ایات میں اللہ تعالی نے ایمان والوں کے حالات بیان فرمائے اور ا س ایت سے کافروں کے بارے میں بیان فرمایا کہ وہ اخرت میں شدید خسارے کا شکار ہوں گے اور دنیا میں بھی انہیں طرح طرح کی ظلمتوں کا سامنا ہو گا۔اسی سلسلے میں یہاں دو مثالیں بیان کی گئیں اس ایت میں ذکر کی گئی مثال کا خلاصہ یہ ہے کہ کفار کے ظاہری اچھے اعمال کی مثال ایسی ہے جیسے کسی بیابان میں دھوپ میں پانی کی طرح چمکنے والی ریت ہو پیاسا ادمی اسے پانی سمجھ کر اس کی تلاش میں چلا اورجب وہاں پہنچا تو پانی کا نام و نشان نہ تھا تو وہ سخت مایوس ہو گیا ایسے ہی کافر اپنے خیال میں نیکیاں کرتا ہے اور سمجھتا ہے کہ اللہ تعالی سے اس کا ثواب پائے گا لیکن جب میدان قیامت میں پہنچے گا تو ثواب نہ پائے گا بلکہ عذاب عظیم میں گرفتار ہوگا اور اس وقت اس کی حسرت اور اس کا غم اس پیاس سے بدرجہا زیادہ ہوگا۔( تفسیرکبیر النور تحت الایۃ: ۳۹ ۸ / ۳۹۹ خازن النور تحت الایۃ: ۳۹ ۳ / ۳۵۶ ملتقطا) کفار کے لئے بیان کی گئی مثال میں مسلمانوں کے لئے نصیحت: اس ایت میں ان مسلمانوں کے لئے بھی بڑی عبرت و نصیحت ہے جو اللہ تعالی کی دی ہوئی نعمتوں کو ا س کے حکم کی نافرمانی اور مخالفت کرنے میں صرف کرتے ہیں پھر عادت و رسم ریاکاری و دکھلاوے کے طور پر اور غفلت کے ساتھ نیک اعمال کرتے ہیں اور جہالت کی وجہ سے یہ سمجھ رہے ہوتے ہیں کہ وہ نیک کام کر رہے ہیں حالانکہ حقیقت یہ ہے کہ شیطان نے ان کے لئے ان کے اعمال کو مزین کر دیا اور ان کے اعمال کی مثال صحراء میں چمکنے والی ریت کی طرح ہے اسی طرح وہ اپنے اعمال کے بارے میں یہ گمان کر رہے ہوتے ہیں کہ ان نیک اعمال کی وجہ سے اللہ تعالی ان پر کوئی غضب و جلال نہ فرمائے گا اور ان کے لئے جہنم کی اگ کو ٹھنڈا کر دیاجائے گا لیکن جب انہیں موت ائے گی تو معاملہ ان کے گمان سے انتہائی برعکس ہوگاقیامت کے دن میزان عمل میں ان کے اعمال کاکوئی وزن نہ ہوگا اللہ تعالی ان کے برے اعمال کی وجہ سے ان پر غضب فرمائے گا اور جس سزا کے یہ حق دار ہیں وہ سزا انہیں دے گا۔ لہذا ہر عقلمند انسان کو چاہئے کہ اس مثال کو سمجھے اور اس سے نصیحت حاصل کرتے ہوئے اپنے اعمال کی اصلاح کی طرف بھرپور توجہ دے۔