Surah Al Imran Ayat 19 (3:19)

{ان الدین عند الله الاسلام: بیشک اللہ کے نزدیک دین صرف اسلام ہے۔} ہر نبی کا دین اسلام ہی تھا لہذا اسلام کے سوا کوئی اور دین بارگاہ الہی عزوجل میں مقبول نہیں لیکن اب اسلام سے مراد وہ دین ہے جو حضرت محمد مصطفی صلی اللہ تعالی علیہ والہ وسلم لائے چونکہ اپ صلی اللہ تعالی علیہ والہ وسلم کو اللہ تعالی نے تمام لوگوں کیلئے رسول بنا کر مبعوث فرمایا اور اپ صلی اللہ تعالی علیہ والہ وسلم کو اخری نبی بنایا تو اب اگر کوئی کسی دوسرے اسمانی دین کی پیروی کرتا بھی ہو لیکن چونکہ وہ اللہ عزوجل کے اس قطعی اور حتمی دین اور نبی کو مکمل طور پر نہیں مان رہا لہذااس کا اسمانی دین پر عمل بھی مردود ہے۔ یہود و نصاری وغیرہ کفار جو اپنے دین کو افضل و مقبول کہتے ہیں اس آیت میں ان کے دعوی کو باطل فرمایا گیا ہے۔ {و ما اختلف: اور انہوں نے اختلاف نہ کیا۔} یہ آیت یہود و نصاری کے بارے میں اتری جنہوں نے اسلام کو چھوڑا اور سیدالانبیاء محمد مصطفی صلی اللہ تعالی علیہ والہ وسلم کی نبوت میں اختلاف کیا اور یہ اختلاف بھی علم کے بعد کیا کیونکہ وہ اپنی کتابوں میں سید دوعالم صلی اللہ تعالی علیہ والہ وسلم کی نعت و صفت دیکھ چکے تھے اور انہوں نے پہچان لیا تھا کہ یہی وہ نبی ہیں جن کی کتب الہیہ میں خبریں دی گئی ہیں لیکن اس کے باوجود انہوں نے ماننے سے انکار کیا اور اس انکار و اختلاف کا سبب ان کا حسد اور دنیاوی منافع کی طمع تھی۔