What is the Urdu translation of Surah An Nisa ayah 89?

Kanz-ul-Irfan: وہ تو یہ چاہتے ہیں کہ جیسے وہ کافر ہوئے کاش کہ تم بھی ویسے ہی کافر ہوجاؤ پھرتم سب ایک جیسے ہو جاؤ۔ توتم ان میں سے کسی کو اپنا دوست نہ بناؤ جب تک وہ اللہ کی راہ میں ہجرت نہ کریں پھر اگر وہ منہ پھیریں تو انہیں پکڑو اور جہاں پاؤ قتل کرو اور ان میں کسی کو نہ دوست بناؤ اور نہ ہی مددگار۔ — Kanz-ul-Iman: وہ تو یہ چاہتے ہیں کہ کہیں تم بھی کافر ہوجاؤ جیسے وہ کافر ہوئے تو تم سب ایک سے ہو جاؤ توان میں کسی کو اپنا دوست نہ بناؤ جب تک اللہ کی راہ میں گھر بار نہ چھوڑیں پھر اگر وہ منہ پھیریں تو انہیں پکڑو اور جہاں پاؤ قتل کرو اور ان میں کسی کو نہ دوست ٹھہراؤ نہ مددگار۔

Which para is Surah An Nisa ayah 89 in?

Surah An Nisa ayah 89 (4:89) is in Juz (Para) 5.

Surah An Nisa Ayat 89 (4:89)

The Women · Juz 5 · Madani

وَدُّوْا لَوْ تَكْفُرُوْنَ كَمَا كَفَرُوْا فَتَكُوْنُوْنَ سَوَآءً فَلَا تَتَّخِذُوْا مِنْهُمْ اَوْلِیَآءَ حَتّٰى یُهَاجِرُوْا فِیْ سَبِیْلِ اللّٰهِؕ-فَاِنْ تَوَلَّوْا فَخُذُوْهُمْ وَ اقْتُلُوْهُمْ حَیْثُ وَجَدْتُّمُوْهُمْ ۪- وَ لَا تَتَّخِذُوْا مِنْهُمْ وَلِیًّا وَّ لَا نَصِیْرًا 89

Learn

Urdu translation

Kanz-ul-Irfan

Mufti Muhammad Qasim Attari

وہ تو یہ چاہتے ہیں کہ جیسے وہ کافر ہوئے کاش کہ تم بھی ویسے ہی کافر ہوجاؤ پھرتم سب ایک جیسے ہو جاؤ۔ توتم ان میں سے کسی کو اپنا دوست نہ بناؤ جب تک وہ اللہ کی راہ میں ہجرت نہ کریں پھر اگر وہ منہ پھیریں تو انہیں پکڑو اور جہاں پاؤ قتل کرو اور ان میں کسی کو نہ دوست بناؤ اور نہ ہی مددگار۔

Kanz-ul-Iman

Imam Ahmad Raza Khan

وہ تو یہ چاہتے ہیں کہ کہیں تم بھی کافر ہوجاؤ جیسے وہ کافر ہوئے تو تم سب ایک سے ہو جاؤ توان میں کسی کو اپنا دوست نہ بناؤ جب تک اللہ کی راہ میں گھر بار نہ چھوڑیں پھر اگر وہ منہ پھیریں تو انہیں پکڑو اور جہاں پاؤ قتل کرو اور ان میں کسی کو نہ دوست ٹھہراؤ نہ مددگار۔

Tafseer (Urdu)

{ ودوا لو تكفرون كما كفروا: وہ تو یہ چاہتے ہیں کہ جیسے وہ کافر ہوئے کاش کہ تم بھی ویسے ہی کافر ہوجاؤ ۔} اس سے پہلی ایات میں منافقوں کی اپنی سرکشی کا بیان ہوا اور اس ایت میں ان کے کفر و سرکشی میں حد سے بڑھنے کا بیان ہے چنانچہ ارشاد فرمایا کہ اے مسلمانو! جو منافق ایمان چھوڑ کر کفر و ارتداد کی طرف پلٹ گئے وہ تو یہ چاہتے ہیں کہ جیسے وہ کافر ہوئے کاش کہ تم بھی ویسے ہی کافر ہوجاؤ پھرتم سب کفر میں ایک جیسے ہو جاؤ اور جب ان کا یہ حال ہے توتم ان میں سے کسی کو اس وقت تک اپنا دوست نہ بناؤ جب تک وہ اللہ تعالی کی راہ میں ہجرت نہ کریں اور اس سے ان کے ایمان کا ثبوت نہ مل جائے کہ ان کا ایمان اللہ تعالی اور ا س کے حبیب صلی اللہ تعالی علیہ والہ وسلم کی رضا کے لئے ہے کسی دنیوی مقصد کے لئے نہیں ہے پھر اگر وہ ہجرت کرنے سے منہ پھیریں اور کفر پر قائم رہنے کو اختیار کریں تو اے مسلمانو! تم انہیں پکڑو اور جہاں پاؤ قتل کرو اور اگر وہ تمہاری دوستی کا دعوی کریں اور دشمنوں کے خلاف تمہاری مدد کے لیے تیار ہوں تو ان کی مدد نہ قبول کرو کیونکہ یہ بھی دشمن ہیں۔(روح البیان النساء تحت الایۃ: ۸۹ ۲ / ۲۵۶ خازن النساء تحت الایۃ: ۸۹ ۱ / ۴۱۱ ملتقطا) ایت ’’ودوا لو تكفرون‘‘سے معلوم ہونے والے احکام: اس ایت سے چند باتیں معلوم ہوئیں: (1)… دوسرے کو کافر کرنے کی کوشش کرنا کفر ہے۔ (2)… کافر مرتد بد مذہب کو دوست بنانا اور ان سے دلی محبت رکھنا حرام ہے اگرچہ وہ کلمہ پڑھتا ہو اور اپنے کو مسلمان کہتا ہو جیسے اس زمانے کے منافق تھے۔ اعلی حضرت رحمۃاللہ تعالی علیہ فرماتے ہیں : کفار اور مشرکین سے اتحاد ووداد حرام قطعی ہے قران عظیم کی نصوص اس کی تحریم سے گونج رہے ہیں اور کچھ نہ ہو تو اتنا کافی ہے کہ و من یتولهم منكم فانه منهم(مائدہ:۵۱) واحد قہار فرماتا ہے کہ تم میں جوکوئی ان سے دوستی رکھے گا وہ بے شک انہیں میں سے ہے۔ (فتاوی رضویہ ۲۱ / ۲۲۹) (3)… دینی امور میں مشرک سے مد د نہ لی جائے۔ حضرت ابو حمید ساعدی رضی اللہ تعالی عنہ سے روایت ہے نبی اکرم صلی اللہ تعالی علیہ والہ وسلم نے ارشاد فرمایا ’’ہم مشرکین سے مدد نہیں لیں گے۔ (مستدرک کتاب الجہاد لا نستعین بالمشرکین علی المشرکین ۲ / ۴۵۶ الحدیث: ۲۶۱۰)