Surah Al Hujurat Ayat 10 (49:10)
The Rooms · Juz 26 · Madani
اِنَّمَا الْمُؤْمِنُوْنَ اِخْوَةٌ فَاَصْلِحُوْا بَیْنَ اَخَوَیْكُمْ وَ اتَّقُوا اللّٰهَ لَعَلَّكُمْ تُرْحَمُوْنَ۠ (10)ٝ 10
Urdu translation
Kanz-ul-Irfan
Mufti Muhammad Qasim Attariصرف مسلمان بھائی بھائی ہیں تو اپنے دو بھائیوں میں صلح کرادو اور اللہ سے ڈروتا کہ تم پر رحمت ہو۔
Kanz-ul-Iman
Imam Ahmad Raza Khanمسلمان مسلمان بھائی ہیں تو اپنے دو بھائیوں میں صلح کرو اور اللہ سے ڈرو کہ تم پر رحمت ہو۔
Tafseer (Urdu)
{انما المؤمنون اخوة: صرف مسلمان بھائی بھائی ہیں ۔} ارشاد فرمایا :مسلمان تواپس میں بھائی بھائی ہی ہیں کیونکہ یہ آپس میں دینی تعلق اورا سلامی محبت کے ساتھ مربوط ہیں اوریہ رشتہ تمام دنیوی رشتوں سے مضبوط تر ہے لہذاجب کبھی دو بھائیوں میں جھگڑا واقع ہو تو ان میں صلح کرادو اور اللہ تعالی سے ڈروتا کہ تم پر رحمت ہو کیونکہ اللہ تعالی سے ڈرنا اور پرہیزگاری اختیار کرنا ایمان والوں کی باہمی محبت اور الفت کا سبب ہے اور جو اللہ تعالی سے ڈرتا ہے ا س پر اللہ تعالی کی رحمت ہوتی ہے۔( خازن الحجرات تحت الایۃ: ۱۰ ۴ / ۱۶۸ مدارک الحجرات تحت الایۃ: ۱۰ ص۱۱۵۳ ملتقطا) مسلمانوں کے باہمی تعلق کے بارے میں 3 احادیث : یہاں ایت کی مناسبت سے مسلمانوں کے باہمی تعلق کے بارے میں 3احادیث ملاحظہ ہوں (1)…حضرت عبداللہ بن عمر رضی اللہ تعالی عنہ سے روایت ہے رسول اکرم صلی اللہ تعالی علیہ والہ وسلم نے ارشاد فرمایا’’مسلمان مسلمان کابھائی ہے وہ اس پرظلم کرے نہ اس کورسواکرے جوشخص اپنے بھائی کی ضرورت پوری کرنے میں مشغول رہتاہے اللہ تعالی اس کی ضرورت پوری کرتاہے اورجوشخص کسی مسلمان سے مصیبت کودورکرتاہے تواللہ تعالی قیامت کے دن اس کے مصائب میں سے کوئی مصیبت دورفرمادے گااورجوشخص کسی مسلمان کاپردہ رکھتاہے قیامت کے دن اللہ تعالی اس کاپردہ رکھے گا۔( بخاری کتاب المظالم والغصب باب لا یظلم المسلم... الخ ۲ / ۱۲۶ الحدیث: ۲۴۴۲) (2)…حضر ت نعمان بن بشیر رضی اللہ تعالی عنہ سے روایت ہے رسول اللہ صلی اللہ تعالی علیہ والہ وسلم نے ارشاد فرمایا’’سارے مسلمان ایک شخص کی طرح ہیں جب اس کی انکھ میں تکلیف ہوگی توسارے جسم میں تکلیف ہوگی اور اگراس کے سرمیں دردہوتوسارے جسم میں دردہوگا۔( مسلم کتاب البر والصلۃ والاداب باب تراحم المومنین... الخ ص۱۳۹۶ الحدیث: ۶۷(۲۵۸۶)) (3)…حضرت ابو موسی اشعری رضی اللہ تعالی عنہ سے روایت ہےسید المرسلین صلی اللہ تعالی علیہ والہ وسلم نے ارشاد فرمایا’’ایک مسلمان دوسرے مسلمان کے لئے عمارت کی طرح ہے جس کی ایک اینٹ دوسری اینٹ کو مضبوط کرتی ہے۔(مسلم کتاب البر والصلۃ والاداب باب تراحم المومنین... الخ ص۱۳۹۶ الحدیث: ۶۵(۲۵۸۵)) اللہ تعالی مسلمانوں کو اپنے باہمی تعلقات سمجھنے اور ا س کے تقاضوں کے مطابق عمل پیرا ہونے کی توفیق عطا فرمائےامین۔