Surah Al Anam Ayat 100 (6:100)

{ و جعلوا لله شركآء الجن: اور لوگوں نے جنوں کواللہ کا شریک گڑھ لیا۔} ارشاد فرمایا کہ سابقہ ایات میں بیان کردہ دلائل قدرت اور عجائب حکمت اور اس انعام و اکرام اور ان نعمتوں کے پیدا کرنے اور عطا فرمانے کاتقاضا یہ تھا کہ اس کریم کار ساز پر ایمان لاتے لیکن اس کی بجائے بت پرستوں نے یہ ستم کیا کہ جنوں کو خدا عزوجل کا شریک قرار دیا کہ ان کی اطاعت کرکے بت پرست ہوگئے اور اللہ عزوجل کیلئے معاذاللہ بیٹے اور بیٹیاں گھڑلیں حالانکہ اللہ عزوجل ان کی بیان کی ہوئی چیزوں سے پاک اور بلند ہے اور یہ چیزیں اس کی شان کے لائق ہی نہیں۔