Surah Al Araf Ayat 156 (7:156)

{و اكتب لنا:اور ہمارے لیے لکھ دے۔} حضرت موسی علیہ الصلوۃ والسلام نے زلزلے کے وقت جودعا مانگی اس ایت میں اس کا بقیہ حصہ ہے۔ حضرت موسی علیہ الصلوۃ والسلام نے عرض کی :اے اللہ! ہمارے لیے اس دنیا میں اور اخرت میں بھلائی لکھ دے بیشک ہم نے تیری طرف رجوع کیا۔ دنیا کی بھلائی سے پاکیزہ زندگی اور نیک اعمال مراد ہیں اور اخرت کی بھلائی سے جنت اللہ تعالی کا دیدار اور دنیا کی نیکیوں پر ثواب مراد ہے۔ اور یہ بھی کہا گیا کہ دنیا کی بھلائی سے مراد نعمت اور عبادت ہے اور اخرت کی بھلائی سے مراد جنت ہے اور اس کے علاوہ اور کیا بھلائی ہو سکتی ہے۔ اللہ تعالی نے حضرت موسی علیہ الصلوۃ والسلام کی دعا کے بعد فرمایا کہ:’’میری شان یہ ہے کہ میں جسے چاہتا ہوں اپنا عذاب پہنچاتا ہوں کوئی اور اس میں دخل اندازی کر ہی نہیں سکتا اور میری رحمت کی شان یہ ہے کہ میری رحمت ہر چیز کو گھیرے ہوئے ہے دنیا میں ہر مسلمانکافر اطاعت گزار اور نافرمان میری نعمتوں سے بہرہ مند ہوتا ہے۔ (البحر المحیط الاعراف تحت الایۃ: ۱۵۶ ۴ / ۳۹۹ تفسیر کبیر الاعراف تحت الایۃ: ۱۵۶ ۵ / ۳۷۸ روح المعانی الاعراف تحت الایۃ: ۱۵۶ ۵ / ۱۰۳ ملتقطا) {فساكتبها:عنقریب میں آخرت کی نعمتوں کو لکھ دوں گا۔} جب یہ ایت نازل ہوئی ’’و رحمتی و سعت كل شیء‘‘ تو ابلیس بہت خوش ہوا اور کہنے لگا میں بھی اللہ عزوجل کی رحمت میں داخل ہو گیا اور جب ایت کا یہ حصہ ’’ فساكتبها‘‘ نازل ہوا تو ابلیس مایوس ہو گیا۔ (صاوی الاعراف تحت الایۃ: ۱۵۶ ۲ / ۷۱۵-۷۱۶) یہودیوں نے جب اس ایت کو سنا تو کہنے لگے ہم متقی ہیں اور ہم زکوۃ دیتے ہیں اور اپنے رب کی ایتوں پر ایمان رکھتے ہیں تواگلی ایت نازل فرما کر اللہ تعالی نے واضح فرما دیا کہ یہ فضائل امت محمدیہ کے ساتھ خاص ہیں۔ (خازن الاعراف تحت الایۃ: ۱۵۶ ۲ / ۱۴۶)