Surah Nuh Ayat 15 (71:15)

{ الم تروا: کیا تم نے دیکھا نہیں ۔} حضرت نوح علیہ الصلوۃ والسلام نے اپنی قوم کو اپنی جانوں میں غور کرنے کی دعوت دینے کے بعد عالم اور ا س کے عجائبات میں غور کرنے کی دعوت دی چنانچہ اس ایت اور اس کے بعد والی ایت کا خلاصہ یہ ہے کہ حضرت نوح علیہ الصلوۃ والسلام نے اپنی قوم سے فرمایا: ’’ کیا تم نہیں دیکھتے کہ اللہ تعالی نے ایک دوسرے کے اوپر کیسے سات آسمان بنائے اور ان اسمانوں میں چاند کو روشن کیا اور سورج کو چراغ بنایا کہ وہ دنیا کو روشن کرتا ہے اور دنیا والے اس کی روشنی میں ایسے ہی دیکھتے ہیں جیسے گھر والے چراغ کی روشنی میں دیکھتے ہیں ۔ سورج کی روشنی چاند کے نور سے مضبوط تر ہے جیساکہ ایک اور مقام پر اللہ تعالی نے ارشاد فرمایا: ’’ هو الذی جعل الشمس ضیآء و القمر نورا ‘‘(یونس:۵) ترجمہ کنزالعرفان: وہی ہے جس نے سورج کو روشنی اور چاند کونور بنایا۔ ( مدارک نوح تحت الایۃ : ۱۵-۱۶ ص۱۲۸۴ خازن نوح تحت الایۃ: ۱۵-۱۶ ۴ / ۳۱۳ البحر المحیط نوح تحت الایۃ: ۱۵-۱۶ ۸ / ۳۳۴ ملتقطا)