Surah Yunus Ayat 24 (10:24)

{انما مثل الحیوة الدنیا:دنیا کی زندگی کی مثال۔} اس سے پہلی ایت میں اللہ تعالی نے ارشاد فرمایا تھا کہ ’’اے لوگو! تمہاری زیادتی (درحقیقت) صرف تمہارے ہی خلاف ہے ۔ ‘‘ اورا س ایت میں اللہ تعالی نے اس شخص کے بارے میں ایک عجیب مثال بیان فرمائی ہے جو دنیا کی لذتوں میں گم ہو کر اپنی اخرت سے بے پر واہ ہو جاتا ہے ۔اس مثال کا خلاصہ یہ ہے کہ اسمان سے اترنے والے پانی کی وجہ سے زمین کی پیداوار بہت گھنی ہوجاتی ہے کیونکہ جب بارش ہوتی ہے تو اس کے سبب زمین سے رنگ برنگے پھول خوبصورت بیلیں خوش ذائقہ پھل اوران کے علاوہ طرح طرح کی اجناس پیدا ہوتی ہیں حتی کہ جب باغات اور کھیتوں کا مالک پھلوں سے لدے ہوئے درختوں اور ہری بھریلہلہاتی فصلوں کو دیکھتا ہے تو خوشی سے پھولے نہیں سماتا پھر وہ اس پیداوار سے فوائد حاصل کرنے سے متعلق بڑے بڑے منصوبے بناتا ہے اس کا دل ان منصوبوں میں ہی مشغول ہوتا ہے اور یوں وہ بالکل غافل ہوتا ہے اور اسی حالت میں اللہ تعالی دن یا رات میں ان پرکشش باغوں اور کھیتوں پر ژالہ باری اندھی یا طوفان وغیرہ کوئی بڑی افت نازل فرما دیتا ہے جس سے یہ باغات اور فصلیں ایسے تباہ ہوجاتے ہیں جیسے کبھی تھے ہی نہیں اور ان کا مالک حسرت زدہ اور شدید غم میں مبتلا ہو کر بس ہاتھ ملتا ہی رہ جاتا ہے۔ (تفسیرکبیر یونس تحت الایۃ: ۲۴ ۶ / ۲۳۶-۲۳۷) دنیوی زندگی امیدوں کا سبز باغ ہے: اس ایت میں بہت بہترین طریقے سے دل میں یہ بات بٹھائی گئی ہے کہ دنیوی زندگانی امیدوں کا سبز باغ ہے اس میں عمر کھو کر جب آدمی اس مقام پر پہنچتا ہے جہاں اس کو مراد حاصل ہونے کا اطمینان ہوتا ہے اور وہ کامیابی کے نشے میں مست ہو جاتا ہے تو اچانک اس کو موت ا پہنچتی ہے اور وہ تمام نعمتوں اور لذتوں سے محروم ہوجاتا ہے۔ حضرت قتادہ رضی اللہ تعالی عنہ فرماتے ہیں کہ دنیا کا طلب گار جب بالکل بے فکر ہوتا ہے اس وقت اس پر عذاب الہی آتا ہے اور اس کا تمام سازو سامان جس سے اس کی امیدیں وابستہ تھیں غارت ہوجاتا ہے۔ (خازن یونس تحت الایۃ: ۲۴ ۲ / ۳۱۰ ملخصا) {كذلك نفصل الایت لقوم یتفكرون:ہم غور کرنے والوں کیلئے اسی طرح تفصیل سے ایات بیان کرتے ہیں۔} یعنی جس طرح ہم نے تمہارے سامنے دنیوی زندگی کی مثال اور اس کا حکم بیان فرمایا اسی طرح ہم غور وفکر کرنے والوں کیلئے تفصیل سے اپنے دلائل بیان کرتے ہیں تاکہ وہ نفع حاصل کریں اور شک و وہم کی ظلمتوں سے نجات پائیں اور دنیائے ناپائیدار کی بے ثباتی سے باخبر ہوں۔ (خازن یونس تحت الایۃ: ۲۴ ۲ / ۳۱۱)