Surah Ibrahim Ayat 21 (14:21)

{و برزوا لله جمیعا:اور سب اللہ کے حضور اعلانیہ حاضر ہوں گے۔}اس ایت میں اللہ تعالی نے قیامت کے دن کفار کے اپس میں اور شیطان کے ساتھ بحث کرنے کی خبر دی ہے ۔ ایت کا خلاصہ یہ ہے کہ قیامت کے دن سب اپنی قبروں سے نکل کر اللہ تعالی کے حضور اعلانیہ حاضر ہوں گے تاکہ اللہ تعالی ان سے حساب لے اور ان کے اعمال کے مطابق انہیں جزا دے تواس وقت وہ لوگ جو کمزور تھے اور دولت مندوں اور بااثر لوگوں کی پیروی میں انہوں نے کفر اختیار کیا تھا وہ بڑے لوگوں اور قائدین سے کہیں گے کہ دین اور اعتقاد میں ہم تمہارے تابع تھے توکیا تم اس بات پر قادر ہو کہ اللہ تعالی نے جو عذاب ہمارے لئے مقرر فرمایا اس میں سے کچھ ہم سے دور کرسکو۔ ان کایہ کلام توبیخ اور عناد کے طور پر ہوگا کہ دنیا میں تم نے ہمیں گمراہ کیا تھا اور راہ حق سے روکا تھا اور بڑھ بڑھ کر باتیں کیا کرتے تھے اب تمہارے وہ دعوے کہاں گئے اب اس عذاب میں سے ذرا سا توٹال دو ۔ کافروں کے سردار اس کے جواب میں کہیں گے ’’اگر اللہ عزوجل ہمیں دنیا میں ایمان کی ہدایت دیتا تو ہم تمہیں بھی ہدایت دیدیتے جب خود ہی گمراہ ہو رہے تھے تو تمہیں کیا راہ دکھاتے اب خلاصی کی کوئی صورت نہیں نہ کافروں کے لئے شفاعت او روئیں اور فریاد کریں چنانچہ پانچ سوبرس فریاد اور گریہ و زاری کرتے رہیں گے جب یہ ان کے کچھ نہ کام ائے گی تو کہیں گے ’’اب صبر کر کے دیکھو شاید اس سے کچھ کام نکلےچنانچہ پانچ سو برس صبر کریں گے جب وہ بھی ان کے کام نہ آئے گا تو کہیں گے کہ اب ہم پر برابر ہے کہ بے قراری کا اظہار کریں یا صبر کریں ہمارے لئے کہیں کوئی پناہ گاہ نہیں ۔ (صاوی ابراہیم تحت الایۃ: ۲۱ ۳ / ۱۰۱۹خازن ابراہیم تحت الایۃ: ۲۱ ۳ / ۷۹-۸۰ مدارک ابراہیم تحت الایۃ: ۲۱ ص۵۶۷ ملتقطا)