Surah Al Hijr Ayat 44 (15:44)

{لها سبعة ابواب:اس کے سات دروازے ہیں ۔} جہنم کے سات طبقے ہیں ان طبقات کو درکات بھی کہتے ہیں اور ہر طبقے کا ایک دروازہ ہے۔ پہلا طبقہ جہنم دوسرا طبقہ لظی تیسرا طبقہ حطمہ چوتھا طبقہ سعیر پانچواں طبقہ سقر چھٹا طبقہ جحیم ساتواں طبقہ ہاویہ ہے۔ (خازن الحجر تحت الایۃ: ۴۴ ۳ / ۱۰۳) {لكل باب: ہر دروازے کیلئے۔} اس ایت کا معنی یہ ہے کہ اللہ تعالی نے ابلیس کی پیروی کرنے والوں کو سات حصوں میں تقسیم فرما دیا ہے ان میں سے ہر ایک کے لئے جہنم کا ایک طبقہ معین ہے۔ اس کی وجہ یہ ہے کہ کفر کے مراتب چونکہ مختلف ہیں اس لئے جہنم میں بھی ان کے مرتبے مختلف ہوں گے۔ (خازن الحجر تحت الایۃ: ۴۴ ۳ / ۱۰۳)