Surah An Nahl Ayat 6 (16:6)

{و لكم فیها جمال:اور تمہارے لئے ان میں زینت ہے ۔} یعنی جب تم ان جانوروں کو شام کے وقت چراگاہوں سے واپس لاتے ہو اور جب صبح کے وقت انہیں چرنے کے لئے چھوڑتے ہو تو اس وقت ان جانوروں کی کثرت اور بناوٹ دیکھ کر تمہیں خوشی حاصل ہوتی ہے اور لوگوں کی نگاہوں میں تمہاری عزت وجاہت اور مقام و مرتبہ بڑھ جاتا ہے۔ (خازن النحل تحت الایۃ: ۶ ۳ / ۱۱۴ ملخصا) جیسے ہمارے زمانے میں صبح کسی کے گھر سے اعلی درجے کی گاڑی نکلے اور شام کو واپس ائے تو لوگوں کی نظر میں اس کی بڑی قدر ہوتی ہے۔