Surah An Nahl Ayat 83 (16:83)

{یعرفون نعمت الله:وہ اللہ کی نعمت کو پہچانتے ہیں ۔} یعنی جو نعمتیں ا س سورت میں ذکر کی گئیں کفار مکہ ان سب کو پہچانتے ہیں اور جانتے ہیں کہ یہ سب اللہ عزوجل کی طرف سے ہیں پھر بھی اس کاشکر بجا نہیں لاتے۔ مشہور مفسر سدی کا قول ہے کہ اللہ تعالی کی نعمت سے سید المرسلین صلی اللہ تعالی علیہ والہ وسلم مراد ہیں ۔ اس صورت میں ایت کے معنی یہ ہیں کہ وہ حضور اقدس صلی اللہ تعالی علیہ والہ وسلم کو پہچانتے ہیں اور سمجھتے ہیں کہ آپ کا وجود اللہ تعالی کی بڑی نعمت ہے اور اس کے باوجود پھر اس نعمت کاانکار کردیتے ہیں یعنی اپ صلی اللہ تعالی علیہ والہ وسلم پر ایمان نہیں لاتے اور اس طرح ان میں اکثر کافر ہی ہیں اور وہ دین اسلام قبول نہیں کرتے۔( خازن النحل تحت الایۃ: ۸۳ ۳ / ۱۳۸ مدارک النحل تحت الایۃ: ۸۳ ص۶۰۵ خزائن العرفان النحل تحت الایۃ: ۸۳ ص۵۱۵ ملتقطا)