Surah Al Isra Ayat 16 (17:16)

{و اذا اردنا: اور جب ہم ارادہ کرتے ہیں ۔} اس ایت میں اللہ تعالی نے گزشتہ اقوام کا اجمالی حال اور گمراہ قوموں کا مزاج بیان فرمایا ہے کہ کس طرح وہ مرحلہ وار سزا و عذاب کے مستحق ہوتے ہیں چنانچہ ارشاد فرمایا کہ ایسا نہیں ہوتا کہ بغیر کسی رہنمائی اور مہلت کے انہیں عذاب میں مبتلا کردیا جاتا ہے بلکہ ہوتا یہ ہے کہ سب سے پہلے تو ہم قوم کے سرداروں اور خوشحال لوگوں کو اپنے رسولوں علیہم الصلوۃ والسلام کے ذریعے احکام بھیجتے ہیں تاکہ لوگ اللہ عزوجل کی فرمانبرداری کی طرف ائیں اور احکامات الہیہ پرعمل پیر اہوں لیکن زیادہ تر یہی ہوا کہ سرداروں اور مالداروں نے رسول کی بارگاہ میں سر جھکانے کی بجائے نافرمانی کا راستہ اختیار کیا جس کے نتیجے میں وہ عذاب کے مستحق بنے اور عذاب الہی کا فیصلہ ان پر صادق ایا اور وہ تباہ و برباد ہوئے۔ قوم کے سرداروں کو انتہائی احتیاط کی ضرورت ہے: اس ایت میں سرداروں کا بطور خاص ذکر کیا گیا کیونکہ عوام اپنے سرداروں کے ہی پیچھے چلتے ہیں جو وہ کرتے ہیں عوام وہی کرتی ہے اس سے معلوم ہوا کہ سرداران قوم کو بہت زیادہ احتیاط کی ضرورت ہے کہ ان کی غلطی عام ادمی کی غلطی سے بہت بڑھ کر ہوتی ہے۔