Surah Al Isra Ayat 19 (17:19)

{و من اراد الاخرة: اور جو اخرت چاہے۔} اس سے پہلی ایت میں طالب دنیا کا بیان کیا گیا جبکہ اس ایت میں طالب اخرت کا بیان ہے چنانچہ ارشاد فرمایا کہ جو آخرت کا طلبگار ہے اور اس کیلئے ایسی کوشش کرتا ہے جیسی کرنی چاہیے یعنی نیک اعمال بجالاتا ہے اور وہ ایمان والا بھی ہو تو یہ وہ ادمی ہے جس کا عمل مقبول ہے اور یہی وہ لوگ ہیں جن کے اعمال کا اچھا صلہ دیا جائے گا۔ عمل کی مقبولیت کے لئے درکار تین چیزیں : اس ایت میں مومن ہونے کی شرط کا بیان ہے اس سے معلوم ہوا کہ ایمان کے بغیر کوئی نیکی قبول نہیں نیکیوں کے لئے ایمان ایسا ضروری ہے جیسے نماز کے لئے وضو یا بہترین غذا کے لئے زہر سے خالی ہونا۔ ایمان جڑ ہے اور اعمال اس کی شاخیں ۔ صدر الافاضل مفتی نعیم الدین مراد ابادی رحمۃاللہ تعالی علیہ نے یہاں بڑی پیاری بات ارشاد فرمائی کہ اس آیت سے معلوم ہوا کہ عمل کی مقبولیت کے لئے تین چیزیں درکار ہیں : ایک تو طالب آخرت ہونا یعنی نیت نیک۔ دوسرے سعی یعنی عمل کو باہتمام اس کے حقوق کے ساتھ ادا کرنا۔ تیسری ایمان جو سب سے زیادہ ضروری ہے۔( خزائن العرفان بنی اسرائیل تحت الایۃ: ۱۹ ص۵۲۹)