Surah Al Kahf Ayat 32 (18:32)

{و اضرب لهم مثلا رجلین:اور ان کے سامنے دو مردوں کا حال بیان کرو۔} اس پورے رکوع میں اللہ عزوجل نے دو ادمیوں کا یعنی ایک مسلمان اور ایک کافر کا حال بیان کیا ہے اورہر کافرومومن دونوں کو دعوت فکر دی ہے کہ اس واقعے میں غور کرکے اپنا اپنا انجام سمجھیں ۔ اب اصل بیان شروع ہوتا ہے چنانچہ فرمایا کہ ان دو مردوں کا حال یہ ہے ان میں سے ایک ادمی یعنی کافر کیلئے اللہ عزوجل نے انگوروں کے دو باغ بنادیئے اور ان دونوں باغوں کو کھجوروں سے ڈھانپ دیا اور ان کے درمیان میں کھیتی بھی بنادی یعنی انہیں نہایت بہترین ترتیب کے ساتھ مرتب کیا۔ اس پاس سبز باغ ہواور بیچ میں ہرا بھرا کھیت ہو تودیکھنے میں بہت ہی خوشنما معلوم ہوتا ہے اور اس سے مالک اپنی تمام ضروریات پوری کرلیتا ہے کھیت سے غذا اور باغ سے پھل حاصل ہوتے ہیں ۔ مجتہد کا قیاس بر حق ہے: اس ایت میں مسلمان اور کافر کو دو ادمیوں کے احوال پر اپنی حالت کو قیاس کرنے کا فرمایا گیا اس سے معلوم ہوا کہ قیاس مجتہد برحق ہے۔