Surah Maryam Ayat 58 (19:58)

{اولىك الذین انعم الله علیهم:یہ وہ ہیں جن پراللہ نے احسان کیا ۔} اللہ عزوجل نے سورہ مریم کی ابتدا سے یہاں تک مختلف انبیاء کرام علیہم الصلوۃ والسلام کے حالات وواقعات فردا فردا بیان فرمائے مگراب تمام انبیاء کرام علیہم الصلوۃ والسلام کامشترکہ ذکر کیا جا رہا ہے جن میں حضرت ادریس حضرت نوح حضرت ابراہیم حضرت اسماعیل حضرت اسحاق حضرت یعقوب حضرت موسی حضرت ہارون حضرت زکریا حضرت یحی اور حضرت عیسی علیہم الصلوۃ والسلام شامل ہیں اور یہ وہ مبارک ہستیاں ہیں جنہیں اللہ تعالی نے نبوت و رسالت کا منصب عطا کر کے ان پر اپنا خصوصی احسان فرمایا اور انہیں اپنی طرف ہدایت دی اور انہیں شریعت کی تشریح اور حقیقت کے کشف کے لئے چن لیا۔ {اذا تتلى علیهم ایت الرحمن:جب ان کے سامنے رحمن کی آیات کی تلاوت کی جاتی ہے ۔} اس ایت سے مراد یہ ہے کہ اے لوگو! تم سے پہلے انبیاء کرام علیہم الصلوۃ والسلام نسبی شرافت میں بلند رتبہ رکھنے نفس کے کامل ہونے اور اللہ تعالی کی بارگاہ میں قرب کے مقام پر فائز ہونے کے باوجود جب اپنے اوپر نازل ہونے والی کتابوں میں اللہ تعالی کی ایتیں سنتے تو اللہ تعالی کے خوف سے رویا کرتے اور سجدے کیا کرتے تھے تو تم بھی ان کی سیرت پر عمل کرو (اور جب قران کی ایتیں سنو تو اللہ تعالی کے خوف سے گریہ و زاری کیا کرو)۔(روح البیان مریم تحت الایۃ: ۵۸ ۵ / ۳۴۳ خازن مریم تحت الایۃ: ۵۸ ۳ / ۲۳۹ ملتقطا) اللہ تعالی کے نیک بندوں کا شعار: اس سے معلوم ہوا کہ اللہ تعالی کے کلام کی ایات سن کر رونا انبیاء کرام علیہم الصلوۃ والسلام کی سنت اور ان کا طریقہ ہے۔سید المرسلین صلی اللہ تعالی علیہ والہ وسلم بھی قران مجید کی ایات سن کر رویا کرتے تھے جیسا کہ حضرت ابراہیم رضی اللہ تعالی عنہ فرماتے ہیں : حضور اقدس صلی اللہ تعالی علیہ والہ وسلم نے حضرت عبد اللہ بن مسعودرضی اللہ تعالی عنہ سے فرمایا ’’مجھے قران پاک سناو۔انہوں نے عرض کی: میں (کس طرح) اپ کو قران مجید سناوں حالانکہ اپ پر قران مجید نازل ہوا ہے۔ ارشاد فرمایا ’’ میں ا س بات کو پسند کرتا ہوں کہ میں کسی اور سے قران کریم سنوں ۔ راوی کہتے ہیں : پھر انہوں نے اپ صلی اللہ تعالی علیہ والہ وسلم کوسورہ نساء کی ابتدائی ایات سنائیں اور جب اس ایت پر پہنچے ’’فكیف اذا جئنا من كل امةۭ بشهید و جئنا بك على هؤلآء شهیدا‘‘(النساء:۴۱) ترجمہ کنزالعرفان: تو کیسا حال ہوگا جب ہم ہر امت میں سےایک گواہ لائیں گے اور اے حبیب! تمہیں ان سب پر گواہ اورنگہبان بناکر لائیں گے۔ تو سرکار دو عالم صلی اللہ تعالی علیہ والہ وسلم کی مبارک انکھوں سے انسو جاری ہو گئے۔(مسلم کتاب صلاۃ المسافرین وقصرہا باب فضل استماع القران۔۔۔ الخ ص۴۰۱ الحدیث: ۲۴۸(۸۰۰)) نیز قران کریم کی ایات سن کر رونا عارفین کی صفت اور صالحین کا شعار ہے جیساکہ اللہ تعالی ارشاد فرماتا ہے: ’’اذا یتلى علیهم یخرون للاذقان سجدا(۱۰۷) و یقولون سبحن ربنا ان كان وعد ربنا لمفعولا(۱۰۸)و یخرون للاذقان یبكون و یزیدهم خشوعا۩(۱۰۹)‘‘(بنی اسرائیل:۱۰۷-۱۰۹) ترجمہ کنزالعرفان: جب ان کے سامنے اس کی تلاوت کی جاتیہے تو وہ ٹھوڑی کے بل سجدہ میں گر پڑتے ہیں ۔ اور کہتے ہیں ہمارا رب پاک ہے بیشک ہمارے رب کا وعدہ پوراہونے والا تھا۔ اور وہ روتے ہوئے ٹھوڑی کے بل گرتے ہیں اور یہ قرآن ان کےدلوں کے جھکنے کو اور بڑھادیتا ہے۔ (یہ ایت سجدہ ہےاسے زبان سے پڑھنے اور سننے والے پر سجدہ تلاوت کرنا واجب ہے۔) اور حضور پر نور صلی اللہ تعالی علیہ والہ وسلم نے بھی اپنی امت کو اس کی تعلیم دی ہے جیسا کہ حضرت سعد بن ابی وقاص رضی اللہ تعالی عنہ سے روایت ہے حضور پر نور صلی اللہ تعالی علیہ والہ وسلم نے ارشاد فرمایا ’’یہ قران غم کے ساتھ نازل ہوا تھا جب تم اسے پڑھو تو روو اور اگر رو نہ سکو تو رونے کی شکل بنا لو۔( ابن ماجہ کتاب اقامۃ الصلاۃ والسنۃ فیہا باب فی حسن الصوت بالقران ۲ / ۱۲۹ الحدیث: ۱۳۳۷) اس لئے ہر مسلمان کو چاہئے کہ وہ جب بھی قران مجید کی تلاوت کرے تو اپنے گناہوں اور اللہ تعالی کی گرفت و عذاب کو یاد کر کے رویا کرے اور اگر اسے رونا نہ ائے تو رونے والوں جیسی صورت بنا لے۔ سجدہ تو کر لیا مگر انسو نہ نکلے: یاد رہے کہ زیر تفسیر ایت ان ایات میں سے ہے جنہیں پڑھنے اور سننے والے پر سجدہ تلاوت کرنا واجب ہے۔ یہاں اسی ایت سے متعلق دوحکایات ملاحظہ ہوں : (1)… حضرت ابو معمر رضی اللہ تعالی عنہ فرماتے ہیں : امیر المومنین حضرت عمر فاروق رضی اللہ تعالی عنہ نے سورہ مریم کی تلاوت اور (سجدہ کرنے کے بعد) فرمایا ’’یہ سجدے ہیں تو رونا کہا ں ہے( شعب الایمان التاسع عشر من شعب الایمان۔۔۔ الخ فصل فی البکاء عند قراء تہ ۲ / ۳۶۵ الحدیث: ۲۰۵۹) (2)…حضرت عبد الرحمن بن ابو لیلی رحمۃ اللہ تعالی علیہ نے سورہ مریم کی تلاوت کی جب وہ اللہ تعالی کے اس فرمان ’’خروا سجدا و بكیا‘‘ پر پہنچے تو انہوں نے سجدہ تلاوت کیا اور جب سجدے سے سر اٹھایا تو فرمایا ’’یہ سجدہ ہے تورونا کہاں ہے( شرح البخاری لابن بطال کتاب فضائل القران باب البکاء عند قراء ۃ القران ۱۰ / ۲۸۲) ان بزرگوں کے اس قول سے یہ بھی مراد ہو سکتا ہے کہ سجدہ کر کے رونے والے لوگ اب کہاں ہیں اب تو لوگوں کا حال یہ ہے کہ وہ سجدہ تو کرلیتے ہیں لیکن ان کی انکھیں انسووں سے تر نہیں ہوتیں ۔ ان بزرگوں کے یہ فرمان دراصل ہماری تربیت اور اصلاح کے لئے ہیں اے کاش! ہمیں بھی تلاوت قران کے وقت اللہ تعالی کے خوف سے رونا نصیب ہو جائے۔ ایت’’ اذا تتلى علیهم ایت الرحمن‘‘ سے حاصل ہونے والی معلومات: اس سے تین باتیں معلوم ہوئیں : (1)… اللہ تعالی کے کلام کی تلاوت کرنا اور تلاوت کرا کر سننا دونوں ہی پسندیدہ طریقے ہیں ۔ (2)… اللہ تعالی کے کلام کی تلاوت خشوع و خضوع کے ساتھ کرنا اللہ تعالی کی بارگاہ میں پسندیدہ ہے ۔ (3)… اللہ تعالی کے کلام کو پڑھ یا سن کر عذاب کے خوف یا دل کے ذوق کی وجہ سے گریہ و زاری کرنا اللہ تعالی کو پسند ہے اور اس کے انبیاء کرام علیہم الصلوۃ والسلام کی سنت ہے۔