Surah Maryam Ayat 65 (19:65)

{رب السموت و الارض:آسمانوں اور زمین کا رب۔} یعنی اے حبیب! صلی اللہ تعالی علیہ والہ وسلم آسمانوں اور زمین اور جو کچھ ان کے درمیان میں ہے سب کا مالک اپ کا رب عزوجل ہی ہے اپ اسی کی عبادت کرتے رہیں اور اس کی عبادت پر ڈٹ جائیںکیا اپ اللہ تعالی کا کوئی ہم نام جانتے ہیں یعنی کسی کو اس کے ساتھ نام کی شرکت بھی نہیں اور اس کی وحدانیت اتنی ظاہر ہے کہ مشرکین نے بھی اپنے کسی باطل معبودکا نام’’ اللہ‘‘ نہیں رکھا ۔ اس ایت مبارکہ میں فرمایا گیا کہ اس کی عبادت پر ڈٹ جاو اس سے معلوم ہوا کہ خوشی و غم ہر حال میں ہمیشہ عبادت کرنی چاہیے ۔ یہی حکم ہے اور یہی بارگاہ خدا عزوجل میں محبوب ہے صرف خوشی یا صرف غم میں عبادت کرنا کمال نہیں ۔ ایت میں اللہ تعالی کی صفت ربوبیت بیان کرکے عبادت کا حکم دینے میں اس بات کی طرف بھی اشارہ ہے کہ اللہ تعالی کا بندے کو پالنا نعمتیں پہنچانا اور بتدریج مرتبہ کمال تک پہنچانا بھی اس بات کا تقاضا کرتا ہے کہ بندے احسان مندی کے طور پر اللہ تعالی کی عبادت کریں ۔