Surah Maryam Ayat 66 (19:66)

{و یقول الانسان:اور آدمی کہتا ہے۔} اس ایت میں انسان سے مراد وہ کفار ہیں جو موت کے بعد زندہ کئے جانے کے منکر تھے جیسے ابی بن خلف اور ولید بن مغیرہ اور ان جیسے تمام کفار انہیں لوگوں کے بارے میں یہ آیت نازل ہوئی اور فرمایا گیا کہ یہ کافر انسان مرنے کے بعد اٹھائے جانے کا مذاق اڑاتے اور اسے جھٹلاتے ہوئے کہتا ہے کہ کیا جب میں مرجاؤں گا تو عنقریب مجھے قبر سے زندہ کرکے ضرور نکالا جائے گا( خازن مریم تحت الایۃ: ۶۶ ۳ / ۲۴۱ جلالین مریم تحت الایۃ: ۶۶ ص۲۵۸ ملتقطا)