Surah Al Baqarah Ayat 185 (2:185)

{شهر رمضان: رمضان کا مہینہ۔} اس ایت میں ماہ رمضان کی عظمت و فضیلت کا بیان ہے اوراس کی دو اہم ترین فضیلتیں ہیں پہلی یہ کہ اس مہینے میں قران اترا اور دوسری یہ کہ روزوں کے لئے اس مہینے کا انتخاب ہوا۔اس مہینے میں قران اترنے کے یہ معانی ہیں : (1)… رمضان وہ ہے جس کی شان و شرافت کے بارے میں قرآن پاک نازل ہوا۔ (2)… قرآن کریم کے نازل ہونے کی ابتداء رمضان میں ہوئی۔ (تفسیر کبیر البقرۃ تحت الایۃ: ۱۸۵ ۲ / ۲۵۲-۲۵۳) (3)… مکمل قرآن کریم رمضان المبارک کی شب قدر میں لوح محفوظ سے آسمان دنیا کی طرف اتارا گیا اور بیت العزت میں رہا۔(خازن البقرۃ تحت الایۃ: ۱۸۵۱ / ۱۲۱) یہ اسی آسمان پر ایک مقام ہے یہاں سے وقتا فوقتا حکمت کے مطابق جتنا جتنااللہ تعالی کو منظور ہوا جبریل امین علیہ السلام لاتے رہے اوریہ نزول تیئس سال کے عرصہ میں پورا ہوا۔ عظمت والی چیز سے نسبت کی برکت: رمضان وہ واحد مہینہ ہے کہ جس کا نام قران پاک میں ایا اورقران مجید سے نسبت کی وجہ سے ماہ رمضان کو عظمت و شرافت ملی ۔اس سے معلوم ہوا کہ جس وقت کو کسی شرف و عظمت والی چیز سے نسبت ہو جائے وہ قیامت تک شرف والا ہے۔اسی لئے جس دن اور گھڑی کو حضور پرنور صلی اللہ تعالی علیہ والہ وسلم کی ولادت اور معراج سے نسبت ہے وہ عظمت و شرافت والے ہوگئے جیسے حضرت ادم علیہ الصلوۃ والسلام کی روز جمعہ پیدائش پر جمعہ کا دن عظمت والا ہوگیا۔ (مسلم کتاب الجمعۃ باب فضل یوم الجمعۃ ص۴۲۵ الحدیث: ۱۷(۸۵۴)) حضرت یحیی علیہ الصلوۃ والسلام کی پیدائش وصال اور زندہ اٹھائے جانے کے دن پر قران میں سلام فرمایا گیا۔ (مریم: ۱۵) اسی طرح حضرت عیسی علیہ الصلوۃ والسلام کا اپنی پیدائش وصال اور زندہ اٹھائے جانے کے دن پر سلام فرمانا قران میں مذکور ہے۔(مریم: ۳۳) { و الفرقان: اور حق و باطل میں فرق کرنے والا۔}زیر تفسیر ایت میں قران مجیدکی تین شانیں بیان ہوئیں : (۱)… قران ہدایت ہے(۲)… روشن نشانیوں پرمشتمل ہے اور(۳) …حق و باطل میں فرق کرنے والا ہے۔ قران شریف کے23نام ہیں اور یہاں قران مجیدکا دوسرا مشہور نام فرقان ذکر کیا گیاہے۔ {یرید الله بكم الیسر: اللہ تم پر اسانی چاہتا ہے۔} اللہ تعالی نے اپنی عبادت ہم پر فرض فرمائی لیکن اپنی رحمت سے ہم پرتنگی نہیں کی بلکہ اسانی فرماتے ہوئے متبادل بھی عطا فرمادئیے۔ روزہ فرض کیا لیکن رکھنے کی طاقت نہ ہو تو بعد میں رکھنے کی اجازت دیدی بعض صورتوں میں فدیہ کی اجازت دیدی کھڑے ہوکر نماز پڑھنے کی طاقت نہ ہوتو بیٹھ کر ورنہ لیٹ کر اشارے سے پڑھنے کی اجازت دیدی ایک مہینہ روزہ کا حکم فرمایا تو گیارہ مہینے دن میں کھانے کی اجازت دیدی اور رمضان میں بھی راتوں کو کھانے کی اجازت دی بلکہ سحری و افطاری کے کھانے پر ثواب کا وعدہ فرمایا۔ گنتی کے چند جانوروں کا گوشت حرام قرار دیا تو ہزاروں جانوروں پرندوں کا گوشت حلال فرمادیا۔ کاروبار کے چند ایک طریقوں سے منع کیا تو ہزاروں طریقوں کی اجازت بھی عطا فرمادی۔ مرد کو ریشمی کپڑے سے منع کیا تو بیسیوں قسم کے کپڑے پہننے کی اجازت دیدی۔ الغرض یوں غور کریں تو ایت کا معنی روز روشن کی طرح ظاہر ہوجاتا ہے کہ اللہ تعالی ہم پر اسانی چاہتا ہے اور وہ ہم پر تنگی نہیں چاہتا۔ {و لتكملوا العدة: اور تاکہ تم گنتی پوری کرو۔} گنتی پوری کرنے سے مراد رمضان کے انتیس یا تیس دن پورے کرنا ہے اور تکبیر کہنے سے مراد یہ ہے کہ اللہ تعالی نے تمہیں اپنے دین کے طریقے سکھائے تو تم اس پر اللہ تعالی کی بڑائی بیان کرو اور ان چیزوں پر اللہ تعالی کا شکر ادا کرو۔