Surah Al Baqarah Ayat 256 (2:256)

{لا اكراه فی الدین: دین میں کوئی زبردستی نہیں۔} اس ایت کا خلاصہ یہ ہے کہ جو شیطان کا انکار کرے اور اللہ تعالی پر ایمان لائے تو اس نے بڑا مضبوط سہارا تھام لیا اور یہ ٹوٹنے والا نہیں الایہ کہ بندہ خود ہی اسے چھوڑ دے ۔ ایت ’’ لا اكراه فی الدین‘‘سے معلوم ہونے والے احکام: (1)… صفات الہیہ کے بعد ’’لا اكراه فی الدین‘‘فرمانے میں یہ اشارہ ہے کہ اب عقلمند ادمی کے لیے قبول حق میں تاخیر کرنے کی کوئی وجہ باقی نہیں رہی۔ کسی کافر کو جبرا مسلمان بنانا جائز نہیں مگر مسلمان کو جبرا مسلمان رکھنا ضروری ہے کیونکہ یہ دین اسلام کی توہین اور دوسروں کیلئے بغاوت کا راستہ ہے جسے بند کرنا ضروری ہے لہذا کسی مسلمان کو مرتد ہونے کی اجازت نہیں دی جاسکتی یا تو وہ اسلام لائے یا اسے قتل کیا جائے گا۔ اللہ تعالی نے بنی اسرائیل کے مرتدین سے فرمایا تھا : فاقتلوا انفسكم (بقرہ: ۵۴) ترجمہ کنزالعرفان: اپنے اپ کو قتل کے لئے پیش کر دو۔ (2)…اس ایت میں’’کفر ‘‘کا لفظ لغوی معنی میں ہے یعنی انکار کرنا۔ اس سے معلوم ہوا کہ ایمان کے لئے ضروری ہے کافرپہلے اپنے کفر سے توبہ کرے اور بیزار ہو اس کے بعد ایمان لانا صحیح ہوتا ہے۔ اگر کوئی مرتد ہوجائے تو وہ بھی صرف کلمہ پڑھ لینے یا مسلمانوں والا کوئی دوسرا کام کرلینے سے مسلمان نہ ہوگا جب تک اپنے اس ارتداد سے توبہ نہ کرے۔ (3)…اس ایت میں طاغوت سے بچنے کا جو فرمایا گیا ہے اس سے معلوم ہوا کہ اسلام پر مضبوطی سے وہ ہی قائم رہ سکتا ہے جو بے دینوں کی صحبت ان کی الفت ان کی کتابیں دیکھنے ان کے وعظ سننے سے دور ہے اور جو اپنے ایمان کی رسی پر خود ہی چھریاں چلائے گا اس کی رسی کا کٹنے سے بچنا مشکل ہے۔