Surah Al Anbiya Ayat 105 (21:105)

{و لقد كتبنا فی الزبور من بعد الذكر:اور بیشک ہم نے نصیحت کے بعد زبورمیں لکھ دیا۔} ایک قول یہ ہے کہ اس ایت میں زبور سے وہ تمام کتابیں مراد ہیں جو انبیاءکرام علیہم الصلوۃ والسلام پر نازل ہوئیں اور ذکر سے مراد لوح محفوظ ہے اور ایت کا معنی یہ ہے کہ لوح محفوظ میں لکھنے کے بعد ہم نے تمام اسمانی کتابوں میں لکھ دیا۔ دوسرا قول یہ ہے کہ زبور سے وہ اسمانی کتاب مراد ہے جوحضرت داؤد علیہ الصلوۃ والسلام پرنازل ہوئی اور ذکر سے مراد تورات ہے اور ایت کا معنی یہ ہے کہ تورات میں لکھنے کے بعد زبور میں لکھ دیا۔( خازن الانبیاء تحت الایۃ: ۱۰۵ ۳ / ۲۹۷ مدارک الانبیاء تحت الایۃ: ۱۰۵ ص۷۲۸ ملتقطا) {ان الارض یرثها عبادی الصلحون:کہ اس زمین کے وارث میرے نیک بندے ہوں گے۔} اس زمین سے مراد جنت کی زمین ہے جس کے وارث اللہ تعالی کے نیک بندے ہوں گے ۔ حضرت عبد اللہ بن عباس رضی اللہ تعالی عنہما فرماتے ہیں کہ اس سے کفار کی زمینیں مراد ہیں جنہیں مسلمان فتح کریں گے اور ایک قول یہ ہے کہ اس سے شام کی زمین مراد ہے جس کے وارث اللہ تعالی کے وہ نیک بندے ہوں گے جو اس وقت شام میں رہنے والوں کے بعد ائیں گے۔( خازن الانبیاء تحت الایۃ: ۱۰۵ ۳ / ۲۹۷)