Surah Al Anbiya Ayat 98 (21:98)

{انكم و ما تعبدون من دون الله:بیشک تم اور جن کی تم اللہ کے سوا عبادت کرتے ہو۔}ارشاد فرمایا کہ اے مشرکو! بیشک تم اور اللہ تعالی کے سوا جن بتوں کی تم عبادت کرتے ہو سب جہنم کے ایندھن ہیں اور تم اس میں ہمیشہ کے لئے جانے والے ہو۔(روح البیان الانبیاء تحت الایۃ: ۹۸ ۵ / ۵۲۳-۵۲۴) یاد رہے کہ مشرکین کے بت عذاب پانے کے لئے جہنم میں نہ جائیں گے بلکہ ان مشرکوں کو عذاب دینے کے لئے جائیں گے کیونکہ ان کی پوجا کرنے میں قصور تو مشرکوں کا ہے نہ کہ ان بتوں کا ۔