Surah An Noor Ayat 42 (24:42)

{و لله ملك السموت و الارض: اور آسمانوں اور زمین کی بادشاہت اللہ ہی کے لیے ہے۔} ارشاد فرمایا کہ آسمانوں اور زمین کی بادشاہت کسی اور کے لئے نہیں بلکہ صرف اللہ تعالی ہی کے لیے ہے کیونکہ وہی ان کا خالق ہے اور وہی ان میں ہر طرح کا تصرف فرمانے کی قدرت رکھتا ہے اور مخلوق کوفنا ہونے کے بعد جب دوبارہ زندہ کیا جائے گا تو سب نے صرف اللہ تعالی کی بارگاہ میں ہی لوٹنا ہے لہذا ہر عقلمند انسان کو چاہئے کہ صرف ایسے قوت والے مالک کی ہی عبادت کرے اور زبان و دل سے اسی کی پاکی بیان کرے۔(روح البیان النور تحت الایۃ: ۴۲ ۶ / ۱۶۴)