Surah Ash Shura Ayat 83 (26:83)

{رب: اے میرے رب!} حضرت ابراہیم علیہ الصلوۃ والسلام نے اللہ تعالی کی تعریف و توصیف بیان کرنے کے بعد دعا مانگی:اے میرے رب! عزوجل مجھے حکم عطا کر اور مجھے ان سے ملادے جو تیرے خاص قرب کے لائق بندے ہیں ۔ ایت میں مذکور’’ حکم‘‘ کے بارے میں مفسرین کا ایک قول یہ ہے کہ اس سے مراد علم ہے۔دوسرا قول یہ ہے کہ اس سےمراد حکمت ہے۔ قرب کے لائق خاص بندوں سے مراد انبیاء کرام علیہم الصلوۃ والسلام ہیں ۔ آپ علیہ الصلوۃ والسلام کی یہ دعا قبول ہوئی چنانچہ اللہ تعالی ارشاد فرماتا ہے: ’’و انه فی الاخرة لمن الصلحین‘‘(البقرۃ:۱۳۰) ترجمہ کنزالعرفان: اور بیشک وہ آخرت میں ہمارا خاص قرب پانے والوں میں سے ہے۔(مدارک الشعراء تحت الایۃ: ۸۳ ص۸۲۳) دعا مانگنے کا ایک ادب: یہاں سے دعا مانگنے کا ایک ادب بھی معلوم ہو اکہ دعا مانگنے سے پہلے اللہ تعالی کی تعریف و توصیف بیان کی جائے اس کے بعد دعا مانگی جائے۔