Surah Al Imran Ayat 118 (3:118)

{لا تتخذوا بطانة من دونكم:غیروں کو راز دار نہ بناؤ۔} بعض مسلمان اپنے قرابت دار اور رشتہ دار یہودیوں وغیرہ سے قرابت یا پڑوس کی بنا پر دوستی اور میل جول رکھتے تھے۔ ان کے متعلق یہ ایت کریمہ اتری۔ (صاوی ال عمران تحت الایۃ: ۱۱۸ ۱ / ۳۰۶) کفار سے تعلقات کے بارے میں اسلام کی تعلیمات: اس سے معلوم ہوا کہ کفار سے دوستانہ تعلقات دلی محبت و اخلاص حرام ہے اور انہیں اپنا راز دار بنانا بھی ناجائز ہے اور تجربات سے بھی یہی ثابت ہے کہ کفار مسلمانوں کو نقصان پہنچانے میں کمی نہیں کرتے۔ نیزاس ایت سے معلوم ہوا کہ مسلمان حکمران کافروں اور مرتدوں کو اہم ترین عہدوں پر نہ لگائے جس سے یہ لوگ غداری کرنے کا موقعہ پائیں کیونکہ یہ لوگ تمہاری برائی چاہنے میں کوئی کمی نہیں کریں گے ان کی تو خواہش ہی یہ ہے کہ مسلمان تکلیف و مشقت میں پڑے رہیں نیز ان کی دشمنیاں ان کے الفاظ اور کردار سے ظاہر ہیں جو وقتا فوقتا سامنے اتا رہتا ہے ۔ جب زبانی دشمنی بھی سامنے اتی رہتی ہے تو جو دشمنی اور مسلمانوں سے بغض و عداوت ان کے دلوں میں ہوگی وہ کس قدر ہوگی یقینا ان کے دلوں میں موجود دشمنی ظاہری دشمنی سے بڑھ کر ہے۔ لہذا اے مسلمانو! ان سے دوستی نہ کرو۔اللہ تعالی تمہارے سامنے اپنی ایتیں کھول کر بیان فرماتا ہے۔قران پاک کی جامعیت اور حقانیت کو اگر سمجھنا ہو تو ان ایات کو سامنے رکھ کر تمام دنیا کے مسلمان اور کافر ممالک کے حالات کا جائز ہ لیں۔ کیا اللہ تعالی نے جو کچھ بیان فرمایا وہ قطعی طور پر حق اور سچ نہیں ہے یقینا سچ ہے۔ تاریخ عالم تاریخ اسلام اور موجودہ حالات تمام کے تمام قران کی ان ایات کی صداقت پر دلالت کررہے ہیں لیکن افسوس کہ ابھی بھی ہماری انکھیں خواب غفلت میں ہیں ہمارے لوگ ابھی بھی انہی کو اپنا مشکل کشا اور حاجت روا مان رہے ہیں جنہیں اپنے راز بتانے سے بھی اللہ تعالی ہمیں منع فرمارہا ہے ۔