Surah Al Imran Ayat 13 (3:13)

{قد كان لكم ایة: بیشک تمہارے لئے بڑی نشانی ہے۔} یہ ایت غزوہ بدرکے متعلق نازل ہوئی اور اس میں یہودیوں یا تمام کافروں یا مسلمانوں یا مذکورہ بالا سب کو خطاب ہے کیونکہ غزوہ بدر میں مسلمانوں اور کافروں سب کیلئے عبرت و نصیحت تھی۔ غزوہ بدر 17رمضان 2ہجری بروز جمعہ ہوا۔ اس میں کفار تقریبا ایک ہزار تھے اور ان کے ساتھ بہت زیادہ سامان جنگ تھاجبکہ مسلمان تین سو تیرہ (313) تھے اور ان میں سے بھی اکثر نہتے تھے مسلمانوں کے پاس دو گھوڑے چھ زرہیں اٹھ تلواریں اور ستر اونٹ تھے۔(جمل ال عمران تحت الایۃ: ۱۳ ۱ / ۳۷۶) اس کے باوجود مسلمانوں کو کامل فتح ہوئی اور کفار کو شکست فاش لہذا یہ فتح اللہ عزوجل کی نشانیوں میں سے بڑی نشانی ہے۔ { یرونهم مثلیهم: وہ انہیں خود سے دگنا دیکھ رہے تھے۔}جنگ بدر میں اللہ تعالی نے مسلمانوں کی کئی اعتبار سے مدد فرمائی ایک تو فرشتے نازل فرمائے دوسرا یہ ہوا کہ پہلے اللہ تعالی نے مسلمانوں کی نظروں میں کافروں کو اور کافروں کی نظروں میں مسلمانوں کو کم کرکے دکھایا تاکہ مسلمانوں کا حوصلہ بڑھے اور کافر مسلمانوں کو قلیل دیکھ کر لڑائی کے لئے اگے بڑھیں اور مسلمانوں سے جنگ شروع کرنے میں بزدلی کا مظاہرہ نہ کریں۔ یہ لڑائی شروع ہونے سے پہلے ہوا پھر جب لڑائی شروع ہوگئی تو اس ایت میں مذکور واقعہ رونما ہوا۔ (جمل علی الجلالین ال عمران تحت الایۃ: ۱۳ ۱ / ۳۷۷) کہ انہوں نے ان کو دگنا دیکھا۔ا س جملے کے کئی معنی کئے گئے ہیں۔ (1) کفار نے مسلمانوں کو خود سے دگنا دیکھا یعنی مسلمانوں کی تعداد کفار کودو ہزار نظر ائی۔ (2) کفار نے مسلمانوں کو مسلمانوں کی تعداد سے دگنا دیکھا یعنی مسلمانوں کی تعداد انہیں 626نظر ائی حالانکہ وہ 313تھے ۔(3) مسلمانوں نے کفار کو خود سے دگنا دیکھا یعنی مسلمانوں کو کفارکی تعداد 626 نظر ائی حالانکہ وہ ایک ہزار تھے۔(تفسیر کبیر ال عمران تحت الایۃ: ۱۳ ۳ / ۱۵۷-۱۵۸) بہر صورت یہ اللہ تعالی کی طرف سے خصوصی تائید تھی۔ اسی پر فرمایا کہ اللہ تعالی اپنی مدد سے جس کی چاہتا ہے تائید فرماتا ہے خواہ اس کی تعداد قلیل ہی ہو اور سروسامان کی کتنی ہی کمی ہو۔