Surah Sad Ayat 26 (38:26)

{یداود انا جعلنك خلیفة فی الارض: اے داؤد! بیشک ہم نے تجھے زمین میں (اپنا) نائب کیا۔} حضرت داود علیہ الصلوۃ والسلام کا واقعہ بیان کرنے کے بعد اس ایت میں ان کی زمینی خلافت کا ذکر فرمایا گیا چنانچہ ارشاد فرمایا کہ اے داؤد! بیشک ہم نے تجھے زمین میں اپنانائب مقرر کیا اور مخلوق کے کاموں کا انتظام کرنے پر آپ کو مامور کیا اور آپ کا حکم ان میں نافذ فرمایاتو لوگوں میں حق کے مطابق فیصلہ کرو اور (نفس کی) خواہش کے پیچھے نہ جانا ورنہ وہ تجھے اللہ تعالی کی راہ سے بہکادے گی بیشک وہ جو اللہ تعالی کی راہ سے بہکتے ہیں ان کے لیے اس بنا پرسخت عذاب ہے کہ انہوں نے حساب کے دن کو بھلا دیا ہے اور وہ اس وجہ سے ایمان سے محروم رہے اگر انہیں حساب کے دن کا یقین ہوتا تو اس کی تیاری سے اعراض نہ کرتے اوردنیا ہی میں ایمان لے آتے۔ (تفسیرکبیر ص تحت الایۃ: ۲۶ ۹ / ۳۸۶-۳۸۷ جلالین ص تحت الایۃ: ۲۶ ص۳۸۲ ملتقطا) ایت ’’یداود انا جعلنك خلیفة فی الارض‘‘ سے حاصل ہونے والی معلومات: اس ایت سے تین باتیں معلوم ہوئیں : (1)… حکمران اللہ تعالی کے دئیے ہوئے احکام کے مطابق ہی چلیں اور اس سے باہر ہر گز نہ جائیں ۔ (2)…اسلامی ریاست کا بنیادی کام حق کو قائم کرنا ہے نیز حکمرانوں پر لازم ہے کہ تنازعات وغیرہ کا حق اور انصاف کے مطابق ہی فیصلہ کریں ۔ (3)…حکمران نفسانی خواہشات کی پیروی سے بچیں کہ یہی چیز راہ حق اور عدل و انصاف سے دور کرتی ہے۔