Surah Az Zumar Ayat 62 (39:62)

{الله خالق كل شیء: اللہ ہر چیز کا خالق ہے۔} ارشاد فرمایاکہ اللہ تعالی دنیا اور اخرت میں ہونے والی ہر چیز کا خالق ہے اور وہ ہر چیز میں جیسے چاہے تصرف فرماتا ہے۔( خازن الزمر تحت الایۃ: ۶۲ ۴ / ۶۱ جلالین الزمر تحت الایۃ: ۶۲ ص۳۸۹) حاجات پوری ہونے اور مصائب دور ہونے سے متعلق ایک مفید وظیفہ: جس شخص کو اندھیاسمانی بجلی یا کسی اور چیز سے نقصان پہنچنے کا ڈر ہو یا وہ تنگدستی کا شکار ہو تو اسے چاہئے کہ کثرت سے ’’یا وکیل‘‘ پڑھا کرے اس سے ان شاءاللہ عزوجل حاجتیں پوری ہوں گیمصیبتیں دور ہوں گی اور پڑھنے والے کے لئے رزق اور بھلائی کے دروازے کھلیں گے ۔( روح البیان الزمر تحت الایۃ: ۶۲ ۸ / ۱۳۱ ملخصا)