Surah Az Zumar Ayat 8 (39:8)

{و اذا مس الانسان ضر دعا ربه منیبا الیه: اور جب آدمی کو کوئی تکلیف پہنچتی ہے تواپنے رب کو اس کی طرف رجوع کرتے ہوئے پکارتا ہے۔} ایت کا خلاصہ یہ ہے کہ جب آدمی کو فقربیماری یا کوئی اور تکلیف و شدت پہنچتی ہے تووہ اپنے رب عزوجل کی طرف ہی رجوع کرتے ہوئے اسے پکارتا ہے اوراس مصیبت کو دور کرنے کے لئے اسی سے فریاد کرتا ہےپھر جب اللہ تعالی اسے اپنے پاس سے کوئی نعمت دیدے اور ا س کی تکلیف دور کر کے ا س کے حال کو درست کر دے تو وہ اس شدت و تکلیف کو فراموش کردیتا ہے جس کے لئے اس نے اللہ تعالی سے فریاد کی تھی اور حاجت پوری ہونے کے بعد پھر بت پرستی میں مبتلا ہوجاتا ہے اور وہ صرف اپنی گمراہی کو کافی نہیں سمجھتا بلکہ اپنے قول اور فعل سے دوسروں کو بھی اللہ تعالی کے دین سے گمراہ کرنا شروع کردیتا ہے ۔اے حبیب! صلی اللہ تعالی علیہ والہ وسلم اپ اس کافر سے فرما دیں کہ تھوڑے دن اپنے کفر کے ساتھ فائدہ اٹھالے اور دنیا کی زندگی کے دن پورے کرلے بیشک تو قیامت کے دن دوزخیوں میں سے ہے۔(خازن الزمر تحت الایۃ: ۸ ۴ / ۵۰ روح البیان الزمر تحت الایۃ: ۸ ۸ / ۷۸-۸۰ تفسیرکبیر الزمر تحت الایۃ: ۸ ۹ / ۴۲۸ ملتقطا) مصیبت وراحت میں مسلمانوں کا حال: کفار کے اس طرز عمل کو سامنے رکھتے ہوئے ہم اپنی حالت پر غور کریں تو بے شمار مسلمان ایسے نظر ائیں گے جو مصیبتپریشانی یا بیماری انے پر نہ صرف خود دعاوں التجاوں اور اللہ تعالی سے مناجات میں مصروف ہو جاتے ہیں بلکہ اپنے عزیزوں رشتہ داروں اور دوست احباب سے بھی دعاوں کا کہنے لگتے ہیں لیکن جیسے ہی اللہ تعالی ان کی مصیبت و پریشانی یا بیماری دور کردے تو دوبارہ ایسے ہوجاتے ہیں گویا کبھی کسی تکلیف کے پہنچنے پر انہوں نے اللہ تعالی کو پکارا ہی نہیں تھا۔ اللہ تعالی مسلمانوں کو ہدایت عطا فرمائے اور انہیں اپنے اس طرز عمل کو بدلنے کی توفیق عطا فرمائے۔ حضرت ابو ہریرہ رضی اللہ تعالی عنہ سے روایت ہےرسول کریم صلی اللہ تعالی علیہ والہ وسلم نے ارشاد فرمایا: ’’جسے یہ بات پسند ہو کہ اللہ تعالی سختیوں اور مصائب میں اس کی دعا قبول فرمائے تو اسے چاہئے کہ وہ راحت و اسائش کے دنوں میں اللہ تعالی سے بکثرت دعا کرے۔(ترمذی کتاب الدعوات باب ما جاء ان دعوۃ المسلم مستجابۃ ۵ / ۲۴۸ الحدیث: ۳۳۹۳)