Surah An Nisa Ayat 134 (4:134)

{من كان یرید ثواب الدنیا: جو دنیا کا انعام چاہے۔}اس کا معنی یہ ہے کہ جس کو اپنے عمل سے دنیا مقصود ہوتو وہ دنیا ہی پاسکتا ہے لیکن وہ ثواب آخرت سے محروم رہتا ہے اور جس نے عمل رضائے الہی اور ثواب آخرت کے لئے کیا ہو تو اللہ عزوجل دنیا و آخرت دونوں میں ثواب دینے والا ہے تو جو شخص اللہ عزوجل سے فقط دنیا کا طالب ہو وہ نادان خسیس اور کم ہمت ہے۔ جب اللہ عزوجل کے پاس دنیا و اخرت سب کچھ ہے تو اس سے دنیا و اخرت کی بھلائی مانگو مانگنے والے میں ہمت چاہیے۔ اس سے یہ بھی معلوم ہوا کہ نہ تو دنیا کو اپنا اصل مقصود بنایا جائے کہ اخرت کو فراموش کر دے اور نہ بالکل ترک دنیا ہی کر دینی چاہیے۔