Surah An Nisa Ayat 25 (4:25)

{و من لم یستطع منكم طولا:اور تم میں سے جو کوئی قدرت نہ رکھتا ہو۔} جو شخص ازاد عورت سے نکا ح کی قدرت اور وسعت نہ رکھتا ہو تو اسے چاہئے کہ وہ کسی مسلمان کی مومنہ کنیز سے ا س کے مالک کی اجازت کے ساتھ نکاح کر لے۔ اپنی کنیز سے نکاح نہیں ہو سکتا کیونکہ وہ مالک کے لئے نکاح کے بغیر ہی حلال ہے۔(خازن النساء تحت الایۃ: ۲۵ ۱ / ۳۶۷) باندی سے نکاح کرنے کے متعلق 2 شرعی مسائل: (1)… جو شخص ازاد عورت سے نکاح کی قدرت رکھتا ہو اسے بھی مسلمان کنیز سے نکاح کرنا جائز ہے البتہ اگر ازاد عورت نکاح میں ہو تو اب باندی سے نکاح نہیں کر سکتا۔ (خازن النساء تحت الایۃ: ۲۵ ۱ / ۳۶۸) (2)… احناف کے نزدیک کتابیہ لونڈی سے نکاح بھی کر سکتا ہے جبکہ مومنہ کنیز کے ساتھ مستحب ہے۔ (مدارک النساء تحت الایۃ: ۲۵ ص۲۲۲) {و الله اعلم بایمانكم:اوراللہ تمہارے ایمان کو خوب جانتا ہے۔} اہل عرب اپنے نسب پر فخر کرتے اور لونڈیوں سے نکا ح کو باعث عار سمجھتے تھے ان کے اس خیال کی تردید کی گئی کہ نسب میں تم سب برابر ہو کہ سبھی حضرت ادم علیہ الصلوۃ والسلام کی اولاد ہو لہذا لونڈیوں سے نکاح کرنا باعث شرم نہیں۔ اس ایت کی تفسیر میں ایک قول یہ ہے کہ تم سب ایمان میں مشترک ہو کہ تمہارا دین اسلام ہے اور ایمان والا ہونا بڑی فضیلت کا حامل ہے بلکہ فضیلت کا دارومدار تو ایمان اور تقوی پر ہے اس لئے جب لونڈیوں سے نکاح کی حاجت ہو تو شرماو نہیں ان کا ایمان والا ہونا کافی ہے۔ (تفسیرکبیر النساء تحت الایۃ: ۲۵ ۴ / ۴۹ جمل النساء تحت الایۃ: ۲۵ ۲ / ۳۹ ملتقطا) {فان اتین بفاحشة:تو اگر وہ کسی بے حیائی کا ارتکاب کریں۔} نکاح کے بعد اگر لونڈی زنا کرے تو ازاد عورت کے مقابلے میں اس کی سزا ادھی ہے یعنی ازاد کنواری عورت زنا میں ملوث ہو تو اس کی سزا سو کوڑے ہے اور لونڈی کی سزا اس سے ادھی یعنی پچاس کوڑے ہے۔ لونڈی چاہے کنواری ہو یا شادی شدہ اس کی سزا پچاس کوڑے ہی ہے شادی شدہ لونڈی کو ازاد عورت کی طرح رجم نہیں کیا جائے گا کیونکہ رجم میں تنصیف یعنی اس سزا کو ادھا کرنا ممکن نہیں۔(قرطبی النساء تحت الایۃ: ۲۵ ۳ / ۱۰۲ الجزء الخامس) {ذلك لمن خشی العنت منكم:یہ اس شخص کے لئے مناسب ہے جسے زنا کا اندیشہ ہے۔} یعنی ازاد عورت کی بجائے باندی سے نکاح کرنا اس شخص کے لئے مناسب ہے جسے غلبہ شہوت کی وجہ سے زنا میں پڑجانے کاڈرہو اور اگر وہ اس خوف کے باوجود صبر کرے اور پرہیز گار رہے تو یہ بہتر ہے اور جہاں تک ممکن ہو لونڈی سے نکاح نہ کرے کیونکہ کنیز سے نکاح کرنے کی صورت میں جو اولاد ہو گی وہ اس کے مالک کی غلام بنے گی اور لونڈی اپنے مالک کی اجازت کے بغیر شوہر کی خدمت کے لئے بھی نہ ا سکے گی۔(بیضاوی النساء تحت الایۃ: ۲۵ ۲ / ۱۷۴) پھر اگر صبر نہیں کر سکتا تو لونڈی سے نکاح کر لے۔ یاد رہے کہ فی زمانہ بین الاقوامی طور پر مرد کو غلام اور عورت کو لونڈی بنانے کا قانون ختم ہو چکا ہے۔ نکاح کا شرعی حکم: مرد کے لئے نکاح کا شرعی حکم یہ ہے کہ اعتدال کی حالت میں یعنی نہ شہوت کا زیادہ غلبہ ہو اور وہ نا مرد بھی نہ ہو نیز مہر اور نان نفقہ دینے پر قدرت رکھتا ہو تو اس کے لئے نکاح کرنا سنت موکدہ ہے۔ لیکن اگر اسے زنا میں پڑنے کا اندیشہ ہے اور وہ زوجیت کے حقوق پورے کرنے پر قادر ہے تو اس کے لئے نکاح کرنا واجب ہے اور اگر اسے زنا میں پڑنے کا یقین ہو تو ا س پر نکاح کرنا فرض ہے۔ اگر اسے زوجیت کے حقوق پورے نہ کر سکنے کا اندیشہ ہو تو اس کانکاح کرنا مکروہ اور حقوق پورے نہ کرسکنے کا یقین ہو تو اس کے لئے نکاح کرنا حرام ہے۔ (بہار شریعت حصہ ہفتم ۲ / ۴-۵ ملخصا) عورت کے لئے نکاح کا شرعی حکم یہ ہے کہ جس عورت کو اپنے نفس سے اس بات کا خوف ہو کہ غالبا وہ شوہر کی اطاعت نہ کر سکے گی اور شوہر کے واجب حقوق اس سے ادا نہ ہو سکیں گے تو اسے نکاح کرنا ممنوع وناجائز ہے اگر کرے گی تو گناہگار ہو گی۔ اگر اسے ان چیزوں کا خوف یقینی ہو تو اسے نکاح کرنا حرام قطعی ہے۔ جس عورت کو اپنے نفس سے ایسا خوف نہ ہو اسے اگر نکاح کی شدید حاجت ہے کہ نکاح کے بغیر معاذ اللہ گناہ میں مبتلاء ہو جانے کا ظن غالب ہے تو ایسی عورت کو نکاح کرنا واجب ہے اور اگر نکاح کے بغیر گناہ میں پڑنے کا یقین کلی ہو تو اس پر نکاح کرنا فرض ہے۔ اگر حاجت کی حالت اعتدال پر ہو یعنی نہ نکاح سے بالکل بے پروائی ہو نہ اس شدت کا شوق ہو کہ نکاح کے بغیر گناہ میں پڑنے کا ظن غالب ہو تو ایسی حالت میں اس کے لئے نکاح کرنا سنت ہے جبکہ وہ اپنے اپ پر اس بات کا کافی اطمینان رکھتی ہو کہ ا س سے شوہر کی اطاعت ترک نہ ہوگی اور وہ شوہر کے حقوق اصلا ضائع نہ کرے گی۔ (فتاوی رضویہ ۱۲ / ۲۹۱-۲۹۳ ملخصا)