Surah An Nisa Ayat 80 (4:80)

{من یطع الرسول فقد اطاع الله: جس نے رسول کا حکم مانا بیشک اس نے اللہ کا حکم مانا۔} ایت مبارکہ کا شان نزول کچھ اس طرح ہے کہ سرورکائنات صلی اللہ تعالی علیہ والہ وسلم نے ایک مرتبہ فرمایا: جس نے میری اطاعت کی اس نے اللہ عزوجل کی اطاعت کی اور جس نے مجھ سے محبت کی اس نے اللہ عزوجل سے محبت کی اس پر آج کل کے گستاخ بددینوں کی طرح اس زمانہ کے بعض منافقوں نے کہا کہ محمد مصطفی صلی اللہ تعالی علیہ والہ وسلم یہ چاہتے ہیں کہ ہم انہیں رب مان لیں جیسے عیسائیوں نے حضرت عیسی بن مریم علیہ الصلوۃ والسلام کو رب ماناہے۔ اس پر اللہ تعالی نے ان کے رد میں یہ آیت نازل فرما کر اپنے نبی صلی اللہ تعالی علیہ والہ وسلم کے کلام کی تصدیق فرما دی کہ بے شک رسول کی اطاعت اللہ کی اطاعت ہے۔(بغوی النساء تحت الایۃ: ۸۰ ۱ / ۳۶۲) تو جس نے ان کی اطاعت سے اعراض کیا تو اس کا وبال اسی پر ہے کیونکہ اللہ تعالی نے انہیں اس لئے نہیں بھیجا کہ اپ صلی اللہ تعالی علیہ والہ وسلم بہرصورت انہیں جہنم سے بچائیں بلکہ صرف تبلیغ کیلئے بھیجا ہے۔