Surah Ghafir Ayat 18 (40:18)

{و انذرهم یوم الازفة: اور انہیں قریب آنے والی افت کے دن سے ڈراو۔} اس ایت کا خلاصہ یہ ہے کہ اے حبیب! صلی اللہ تعالی علیہ والہ وسلم اپ کفار مکہ کو قیامت کے دن سے ڈرائیں جس کی ہولناکی کا یہ حال ہے کہ اس دن دل گلوں کے پاس آجائیں گے اور خوف کی شدت کی وجہ سے نہ ہی باہر نکل سکیں گے تاکہ مر کر کچھ راحت پا لیں اور نہ ہی اندر اپنی جگہ واپس جاسکیں گے تاکہ انہیں راحت نصیب ہو اور لوگوں کا حال یہ ہو گا کہ وہ غم میں بھرے ہوں گے اور اس دن نہ تو کافروں کاکوئی دوست ہوگااورنہ ہی کوئی سفارش کرنے والاکہ جس کی سفارش سے یہ لوگ عذاب سے نجات پاسکیں۔(مدارک غافر تحت الایۃ: ۱۸ ص۱۰۵۵ روح البیان المومن تحت الایۃ: ۱۸ ۸ / ۱۶۹-۱۷۰ ملتقطا) قیامت کے دن مسلمانوں کے دوست اور شفاعت کرنے والے ہوں گے ـ: یاد رہے کہ اس ایت میں ظالموں سے کفار مراد ہیں گناہگار مسلمان اس ایت میں بیان کی گئی وعید میں داخل نہیں جیساکہ امام فخر الدین رازی رحمۃاللہ تعالی علیہ فرماتے ہیں :یہاں ایت میں ظالموں سے مراد کفار ہیں اور اس کی دلیل یہ ہے کہ یہ ایت ان کافروں کی سرزنش کے لئے ائی ہے جو اللہ تعالی کی ایتوں میں جھگڑا کرتے ہیں تو ضروری ہے کہ یہ ایت کافروں کے ساتھ خاص ہو۔ (تفسیرکبیر المومن تحت الایۃ: ۱۸ ۹ / ۵۰۴) اورعلامہ اسماعیل حقی رحمۃاللہ تعالی علیہ فرماتے ہیں :اس ایت میں یہ بات بیان ہوئی ہے کہ کافروں کے حق میں کوئی شفاعت نہیں کیونکہ یہ ایت کافروں کی مذمت میں ائی ہے۔مزید فرماتے ہیں : (اس سے) ثابت ہو اکہ گناہگار مسلمانوں کے لئے قیامت کے دن دوست بھی ہوں گے شفاعت کرنے والے بھی ہوں گے اور ان کی شفاعت قبول بھی کی جائے گی اور شفاعت کرنے والے تاجدار رسالت صلی اللہ تعالی علیہ والہ وسلم تمام انبیاء اور مرسلین علیہم الصلوۃ والسلام مقرب اولیا ء کرام رحمۃاللہ تعالی علیہم اور تمام فرشتے ہوں گے۔ (روح البیان المومن تحت الایۃ: ۱۸ ۸ / ۱۷۰)