Surah Ghafir Ayat 34 (40:34)

{و لقد جآءكم یوسف من قبل بالبینت: اور بیشک اس سے پہلے تمہارے پاس یوسف روشن نشانیاں لے کر آئے۔} اس ایت میں خطاب اگرچہ فرعون اور اس کی قوم سے ہے لیکن مراد ان کے اباو اجداد ہیں ( کیونکہ حضرت یوسف علیہ الصلوۃ والسلام فرعون اور اس کی قوم کے پاس رسول بن کر تشریف نہیں لائے تھے بلکہ ان کے اباو اجداد کے پاس ائے تھے) چنانچہ اس ایت کا خلاصہ یہ ہے کہ اے مصر والو! بیشک حضر ت موسی علیہ الصلوۃ والسلام سے پہلے تمہارے اباو اجداد کے پاس حضرت یوسف علیہ الصلوۃ والسلام روشن نشانیاں لے کر آئے تو وہ ان کے لائے ہوئے حق دین سے شک ہی میں رہے یہاں تک کہ جب انہوں نے انتقال فرمایا توتمہارے اباو اجداد نے کہا: اب اللہ تعالی ہرگز کوئی رسول نہ بھیجے گا۔ یہ بے دلیل بات تمہارے پہلے لوگوں نے خود گڑھی تاکہ وہ حضرت یوسف علیہ الصلوۃ والسلام کے بعد آنے والے انبیاء کرام علیہم الصلوۃ والسلام کی تکذیب کریں اور انہیں جھٹلائیں تو وہ کفر پر قائم رہے حضرت یوسف علیہ الصلوۃ والسلام کی نبوت میں شک کرتے رہے اور بعد والوں کی نبوت کے انکار کے لئے انہوں نے یہ منصوبہ بنالیا کہ اب اللہ تعالی کوئی رسول ہی نہ بھیجے گا ۔ یاد رکھو کہ جس طرح تمہارے اباو اجداد گمراہ ہوئے اسی طرح اللہ تعالی ہر اس شخص کو گمراہ کرتا ہے جو حد سے بڑھنے والا اور ان چیزوں میں شک کرنے والا ہو جن پر روشن دلیلیں شاہد ہیں ۔(خازن حم المومن تحت الایۃ : ۳۴ ۴ / ۷۲ روح البیان المومن تحت الایۃ: ۳۴ ۸ / ۱۸۱ جلالین غافر تحت الایۃ: ۳۴ ص۳۹۳ ملتقطا)