Surah Ash Shura Ayat 13 (42:13)

{شرع لكم من الدین ما وصى به نوحا: اس نے تمہارے لیے دین کا وہی راستہ مقرر فرمایا ہے جس کی اس نے نوح کو تاکید فرمائی۔} اس ایت کا معنی یہ ہے کہ اے میرے حبیب صلی اللہ تعالی علیہ والہ وسلم کے صحابہ! حضرت نوح علیہ الصلوۃ والسلام سے لےکر میرے حبیب صلی اللہ تعالی علیہ والہ وسلم تک جتنے انبیاء کرام علیہم الصلوۃ والسلام تشریف لائے سب کے لئے ہم نے دین کا ایک ہی راستہ مقرر کیا اور اس میں وہ سب متفق ہیں وہ راستہ یہ ہے کہ دین اسلام کو قائم رکھواور اس میں پھوٹ نہ ڈالو۔ میں نے تمہارے لئے بھی یہی راستہ مقرر کیا ہے لہذا تم اللہ تعالی کی توحید اور اس کی فرمانبرداری اس پر اور اس کے رسولوں پر اس کی کتابوں پر روز جزا پر اور باقی تمام ضروریات دین پر ایمان لانا اپنے اوپر لازم کرو کیونکہ یہ امور تمام انبیاء کرام علیہم الصلوۃ والسلام کی امتوں کے لئے یکساں لازم ہیں ۔( تفسیرکبیر الشوری تحت الایۃ: ۱۳ ۹ / ۵۸۷ مدارک الشوری تحت الایۃ: ۱۳ ص۱۰۸۴ ملتقطا) خلاصہ یہ ہے کہ دین کے اصول میں تمام مسلمان خواہ وہ کسی زمانے یا کسی امت کے ہوں یکساں ہیں اور ان میں کوئی اختلاف نہیں البتہ احکام میں امتیں اپنے احوال اور خصوصیات کے اعتبار سے جداگانہ ہیں جیسا کہ اللہ تعالی نے ارشاد فرمایا: ’’ لكل جعلنا منكم شرعة و منهاجا‘‘(مائدہ:۴۸) ترجمہ کنزالعرفان: ہم نے تم سب کے لیے ایک ایک شریعت اور راستہ بنایا ہے۔ زیر تفسیر ایت میں حضرت نوح علیہ الصلوۃ والسلام کا پہلے ذکر کرنے کی حکمت یہ ہے کہ اپ صاحب شریعت انبیاء علیہم الصلوۃ والسلام میں سب سے پہلے نبی ہیں اور یہاں صرف ان پانچ انبیاء کرام علیہم الصلوۃ والسلام کا ذکر اس لئے فرمایا کہ ان کا رتبہ دیگر انبیاء کرام علیہم الصلوۃ والسلام سے بڑا ہےیہ اولوا العزم ہیں اور ان میں سے ہر ایک کی ایک مستقل شریعت ہے۔(جلالین مع صاوی الشوری تحت الایۃ: ۱۳ ۵ / ۱۸۶۵-۱۸۶۶) {و لا تتفرقوا فیه: اور اس میں پھوٹ نہ ڈالو۔} اس ایت میں تاجدار رسالت صلی اللہ تعالی علیہ والہ وسلم کی امت کو بھی غلط عقائد اپنا کر دین میں پھوٹ ڈالنے سے منع فرمایا گیاہے۔(ابوسعود الشوری تحت الایۃ: ۱۳ ۵ / ۵۲۳ ملخصا) اور سابقہ امتوں میں سے یا اس امت میں سے جنہوں نے اس ممانعت پر عمل نہیں کیا ان کے بارے میں اللہ تعالی ارشاد فرماتا ہے: ’’ان الذین فرقوا دینهم و كانوا شیعا لست منهم فی شیء-انما امرهم الى الله ثم ینبئهم بما كانوا یفعلون‘‘(انعام:۱۵۹) ترجمہ کنزالعرفان: بیشک وہ لوگ جنہوں نے اپنے دین کے ٹکڑے ٹکڑے کردیے اور خود مختلف گروہ بن گئے اے حبیب! اپ کا ان سے کوئی تعلق نہیں ۔ ان کا معاملہ صرف اللہ کے حوالے ہے پھر وہ انہیں بتادے گا جو کچھ وہ کیاکرتے تھے۔ اللہ تعالی ہمیں صحیح عقائد اپنانے کی توفیق عطا فرمائےامین۔ نوٹ:دین میں تفرقہ بازی کے بارے میں تفصیلی معلومات حاصل کرنے کے لئے سورہ انعامایت نمبر 159 کے تحت تفسیر ملاحظہ فرمائیں ۔ {كبر على المشركین ما تدعوهم الیه: مشرکوں پر یہ دین بہت بھاری ہے جس کی طرف تم انہیں بلاتے ہو۔} یعنی اے حبیب! صلی اللہ تعالی علیہ والہ وسلم اپ مشرکوں کو توحید اختیار کرنے اور بتوں کی عبادت چھوڑ دینے کی جو دعوت دیتے ہیں یہ ان پربہت بھاری ہے اور وہ اسے بہت بعید جانتے ہیں جیساکہ ان کی اس بات سے ظاہر ہے: ’’اجعل الالهة الها واحدا -ان هذا لشیء عجاب‘‘(ص:۵) ترجمہ کنزالعرفان: کیا اس نے بہت سارے خداوں کو ایک خدا کردیابیشک یہ ضروربڑی عجیب بات ہے۔ اور اللہ تعالی اپنے بندوں میں سے جسے چاہتا ہے اپنے دین کے لئے چن لیتا ہے اورجو اس کی طرف رجوع کرتا اور اس کی فرمانبرداری قبول کرتا ہے اسے اپنی طرف ہدایت دیتا ہے۔( ابوسعود الشوری تحت الایۃ: ۱۳ ۵ / ۵۲۴ خازن الشوری تحت الایۃ: ۱۳ ۴ / ۹۲ ملتقطا)