Surah Al Mujadilah Ayat 13 (58:13)

{ءاشفقتم ان تقدموا بین یدی نجوىكم صدقت: کیا تم اس بات سے ڈرگئے کہ تم اپنی عرض سے پہلے کچھ صدقے دو ۔}یعنی کیا تم غر یبی اور ناداری کی وجہ سے نبی کریم صلی اللہ تعالی علیہ والہ وسلم کی بارگاہ میں اپنی عرض سے پہلے کچھ صدقہ دینے سے ڈر گئے پھر جب تم نے صدقہ نہ دیا اور اللہ تعالی نے اپنی مہربانی سے تم پر رجوع فرمایا اور پہلے صدقہ نہ دینے کا مواخذہ تم پر سے اٹھالیا توتم دوسری عبادات بجا لاو جیسے نماز قائم رکھو اور زکوۃ دو اور اللہ تعالی اور اس کے رسول صلی اللہ تعالی علیہ والہ وسلم کے فرمانبردار رہو اور یاد رکھو کہ اللہ تعالی تمہارے ظاہری اور باطنی تمام کاموں کی خبر رکھنے والا ہے اور وہ تمہیں ان کی جزا دے گا۔ حضرت علی المرتضی کرم اللہ تعالی وجہہ الکریم کے سبب امت پر اسانی: حضرت علی المرتضی کرم اللہ تعالی وجہہ الکریم فرماتے ہیں :جب یہ ایت مبارکہ ’’یایها الذین امنوا اذا ناجیتم الرسول‘‘ نازل ہوئی تونبی کریم صلی اللہ تعالی علیہ والہ وسلم نے مجھ سے فرمایا:تمہارے خیال میں ایک دینا رٹھیک ہے میں نے عرض کی:لوگ اتنے کی طاقت نہیں رکھیں گے۔ ارشاد فرمایا’’نصف دینار۔میں نے عرض کی :یہ بھی نہیں دے سکیں گے ۔حضورپر نور صلی اللہ تعالی علیہ والہ وسلم نے ارشاد فرمایا: ’’پھر کتنا ہونا چاہئے۔میں نے عرض کی:جو کے ایک دانے کے برابر۔ارشاد فرمایا’’تم تو بڑے تنگ دست ہو۔پھریہ ایت نازل ہوگئی ’’ءاشفقتم ان تقدموا بین یدی نجوىكم صدقت‘‘ حضرت علی المرتضی کرم اللہ تعالی وجہہ الکریم فرماتے ہیں :پس میرے سبب سے اللہ تعالی نے اس امت پر اسانی فرمادی۔( ترمذی کتاب التفسیر باب ومن سورۃ المجادلۃ ۵ / ۱۹۶ الحدیث:۳۳۱۱)