Surah Al Anam Ayat 104 (6:104)

{ قد جآءكم: بیشک تمہارے پاس اگئیں۔} یعنی اے حبیب !صلی اللہ تعالی علیہ والہ وسلم اپ لوگوں سے فرما دیں کہ تمہارے پاس تمہارے رب عزوجل کی طرف سے توحید نبوت مرنے کے بعد دوبارہ زندہ کئے جانے اور حساب و جزاء سے متعلق دل کی آنکھیں کھول دینے والی دلیلیں آگئیں تو جس نے دل کی انکھ سے حق کو دیکھا اور ا س پر ایمان لے ایا تو اس میں اس کا اپنا فائدہ ہے اور جو حق ظاہر ہونے کے باوجود اسے دیکھنے سے اندھا رہا اور ا س پر ایمان نہ لایا تو اس میں نقصان بھی اس کا اپنا ہے اور میں تم پر نگہبان نہیں کہ تمہارے اعمال اور افعال کی نگہبانی کرتا پھروں بلکہ میں تمہاری طرف تمہارے رب عزوجل کا رسول ہوں تاکہ اس کاپیغام تم تک پہنچا دوں جبکہ اللہ تعالی تم پر نگہبان ہے اس سے تمہارے اعمال اور احوال میں سے کچھ بھی چھپا ہوا نہیں ہے اور وہی تمہیں تمہارے اعمال کی جزاء دے گا۔ (روح البیان الانعام تحت الایۃ: ۱۰۴ ۳ / ۸۱ خازن الانعام تحت الایۃ: ۱۰۴ ۲ / ۴۴ ملتقطا)