Surah Al Anam Ayat 108 (6:108)

{ و لا تسبوا: اور برا نہ کہو۔} حضرت قتادہ رضی اللہ تعالی عنہ کا قول ہے کہ مسلمان کفار کے بتوں کی برائی کیا کرتے تھے تاکہ کفار کو نصیحت ہو اور وہ بت پرستی کے عیب سے باخبر ہوں مگر ان ناخدا شناس جاہلوں نے بجائے نصیحت حاصل کرنے کے شان الہی میں بے ادبی کے ساتھ زبان کھولنی شروع کی۔ اس پر یہ آیت نازل ہوئی (تفسیر بغوی الانعام تحت الایۃ: ۱۰۸ ۲ / ۱۰۰)کہ اگرچہ بتوں کو برا کہنا اور ان کی حقیقت کا اظہار طاعت و ثواب ہے لیکن اللہ عزوجل اور اس کے رسول صلی اللہ تعالی علیہ والہ وسلم کی شان میں کفار کی بدگوئیوں کو روکنے کے لئے اس کو منع فرمایا گیا۔ ابن انباری کا قول ہے کہ یہ حکم اول زمانہ میں تھا جب مسلمانوں میں طاقت اگئی کہ کفار کو رب عزوجل کی شان میں گستاخی سے روک سکیں تو انہیں اس کی اجازت مل گئی۔ (خازن الانعام تحت الایۃ: ۱۰۸ ۲ / ۴۶) ورنہ توخود قران کریم میں شیطان اور بتوں اور سرداران قریش کی برائیاں بکثرت بیان کی گئی ہیں۔ ایت ’’و لا تسبوا‘‘ سے معلوم ہونے والے مسائل: مفتی احمد یار خاں نعیمی رحمۃاللہ تعالی علیہ فرماتے ہیں کہ اس ایت سے چند مسئلے معلوم ہوئے ایک یہ کہ اگر غیر ضروری عبادت ایسے فساد کا ذریعہ بن جائے جو ہم سے مٹ نہ سکے تو اس کو چھوڑ دیا جائے۔ دوسرے یہ کہ واعظ و عالم اس طریقے سے وعظ نہ کرے جس سے لوگوں میں ضد پیدا ہو جائے اور فساد اور مار پیٹ تک نوبت پہنچے۔ تیسرے یہ کہ اگر کسی کے متعلق یہ قوی اندیشہ ہو کہ اسے نصیحت کرنا اور زیادہ خرابی کا باعث ہو گا تو نہ کرے۔ چوتھے یہ کہ کبھی ضد سے انسان اپنا دین بھی کھو بیٹھتا ہے کیونکہ کفار مکہ اللہ عزوجل کو مانتے تھے پھر حضور صلی اللہ تعالی علیہ والہ وسلم کی ضد میں اللہ عزوجل کی شان میں بھی بے ادبی کرتے تھے۔(نورالعرفانالانعامتحت الایۃ:۱۰۸ص:۲۲۴)