Surah Al Anam Ayat 145 (6:145)

{ قل لا اجد:تم فرماو میں نہیں پاتا۔} یعنی اے حبیب! صلی اللہ تعالی علیہ والہ وسلم اپ ان جاہل مشرکوں سے جو حلال چیزوں کو اپنی من مرضی سے حرام کرلیتے ہیں فرما دو کہ’’ جو میری طرف وحی کی جاتی ہے میں اس میں کسی کھانے والے پر کوئی کھانا حرام نہیں پاتا سوائے ان چار کے (1) مردار۔ (2) رگوں میں بہنے والا خون۔ (3) سور کا گوشت اور (4) نافرمانی کا جانور یعنی جس کو اللہ عزوجل کے علاوہ کسی اور کے نام پر ذبح کیا گیا ہو۔ لہذا تمہارا ان دیگر چیزوں کو حرام کہنا باطل ہے جن کی حرمت اللہ کی طرف سے نہ ائی۔ { فمن اضطر:تو جو مجبور ہوجائے۔} یعنی مذکورہ بالا چیزیں کھانا حرام ہے لیکن اگر کوئی مجبور ہو اور ضرورت اسے ان چیزوں میں سے کسی کے کھانے پر مجبور کر دے اور وہ اس حال میں کھائے کہ نہ خواہش سے کھانے والا ہو اور نہ ضرورت سے بڑھنے والاتو بے شک رب کریمعزوجل بخشنے والا مہربان ہے اور وہ اس پر کوئی مؤاخذہ نہ فرمائے گا۔ حرام جانوروں کے بیان پر مشتمل ایت سے متعلق چند احکام: مجموعی طور پر اس ایت کے متعلق چند احکام ہیں : (1)… حرمت شریعت کی جانب سے ثابت ہوتی ہے نہ کہ ہوائے نفس سے ۔ (2)… جما ہوا خون یعنی تلی کلیجی حلال ہے کیونکہ یہ بہتا ہوا خون نہیں لیکن بہتا ہوا خون نکل کر جم جائے وہ بھی حرام ہے کہ وہ بہتا ہوا ہی ہے اگرچہ عارضی طور پر جم گیا۔ (3)… ہر نجس چیز حرام ہے مگر ہر حرام چیز نجس نہیں۔ (4)… سور کی ہر چیز کھال وغیرہ سب حرام ہے کیونکہ وہ نجس العین ہے ۔ (5)… سور کی کوئی چیز ذبح کرنے یا پکانے سے پاک نہیں ہو سکتی ۔ (6)… جانو رکی زندگی میں اس پر کسی کے نام پکارنے کا اعتبار نہیں ذبح کے وقت کا اعتبار ہے۔ (7)… بتوں کے نام پر جانور ذبح کرنا فسق اعتقادی یعنی کفر ہے اس لئے یہاں فسقا ارشاد ہوا۔ (8)… مجبوری کی حالت میں مردار وغیرہ چیزیں بقدر ضرورت حلال ہوں گی اور مجبوری سے مراد جان جانے یا عضو ضائع ہوجانے کا ظن غالب ہونا ہے۔ (9)… اگر اندازے میں غلطی کر کے ضرورت سے زیادہ ایک ادھ لقمہ کھالیا تو پکڑ نہ ہوگی۔