Surah Al Anam Ayat 163 (6:163)

{ و انا اول المسلمین:اور میں سب سے پہلا مسلمان ہوں۔} اولیت یا تو اس اعتبار سے ہے کہ انبیاء علیہم الصلوۃ والسلام کا اسلام ان کی امت پر مقدم ہوتا ہے (بیضاوی الانعام تحت الایۃ: ۱۶۳ ۲ / ۴۷۲) یا اس اعتبار سے کہ سید عالم صلی اللہ تعالی علیہ والہ وسلم اول مخلوقات ہیں تو ضرور اول المسلمین ہوئے۔ (قرطبی الانعام تحت الایۃ: ۱۶۳ ۴ / ۱۱۳ الجزء السابع) سب سے پہلے مومن: اس سے معلوم ہوا کہ ساری مخلوق میں سب سے پہلے مومن حضور پرنور صلی اللہ تعالی علیہ والہ وسلم ہیں۔ حضرت جبریل اورمیکائیل علیہما الصلوۃ والسلام سے پہلے بھی اپ صلی اللہ تعالی علیہ والہ وسلم عابد بلکہ نبی تھے۔ الست بربكم (ترجمہ:کیا میں تمہارا رب نہیں)کے جواب میں سب سے پہلے حضور اقدس صلی اللہ تعالی علیہ والہ وسلمنے بلى (ترجمہ:کیوں نہیں ) فرمایا تھا (فیض القدیر حرف الکاف ۵ / ۶۹ تحت الحدیث: ۶۴۲۴) پھر اور انبیاء کرام علیہم الصلوۃ والسلام نے پھر دوسرے لوگوں نے۔