Surah At Taghabun Ayat 3 (64:3)

{خلق السموت و الارض بالحق: اس نے آسمان اور زمین حق کے ساتھ بنائے۔} ارشاد فرمایا کہ اللہ تعالی نے آسمان اور زمین حق کے ساتھ بنائے جن میں ہزاروں دینی اور دنیوی مصلحتیں ہیں اوراس نے تمہاری صورت بنائی تو دیگر مخلوق کے مقابلے میں تمہاری اچھی صورتیں بنائیں اس احسان کے شکریے میں تم پر لازم ہے کہ اپنی سیرت بھی اچھی رکھونیز قیامت کے دن تمہیں اسی کی بارگاہ میں لوٹ کر جانا ہے تو تم اپنے باطن کو اچھا کر لو تاکہ عذاب کے ذریعے تمہارے ظاہر کومسخ نہ کر دیاجائے۔( روح البیان التغابن تحت الایۃ:۳ ۱۰ / ۵-۶ بیضاوی التغابن تحت الایۃ: ۳ ۵ / ۳۴۵ خازن التغابن تحت الایۃ: ۳ ۴ / ۲۷۵ ملتقطا) انسانی صورت بہترین صورت ہے اسے بگاڑنا حرام ہے لہذا ناک کان کاٹنا چہرے پر راکھ وغیرہ مل کر صورت بگاڑنا مردوں کو عورت کی شکل یا عورتوں کو مردوں کی شکل بناناحرام ہے اللہ تعالی نے جو صورت بخشی وہ ہی اچھی ہے۔