Surah At Talaq Ayat 4 (65:4)

{و اﻼ یىسن من المحیض من نسآىكم: اور تمہاری عورتوں میں جو حیض سے ناامید ہوچکی ہوں ۔} شان نزول: صحابہ کرام رضی اللہ تعالی عنہم نے رسول کریم صلی اللہ تعالی علیہ والہ وسلم سے عرض کی : حیض والی عورتوں کی عدت تو ہمیں معلوم ہوگئیاب جو حیض والی نہ ہوں تو ان کی عدت کیا ہے اس پر یہ آیت نازل ہوئی اور فرمایا گیا کہ تمہاری عورتوں میں جوبڑھاپے کی وجہ سے حیض انے سے ناامید ہوچکی ہوں اگر تمہیں اس میں کچھ شک ہو کہ ان کا حکم کیاہے تو سن لو ان کی اور جنہیں ابھی کم عمری کی وجہ سے حیض نہیں ایاان کی عدت تین مہینے ہے اور حمل والیوں کی عدت کی مدت یہ ہے کہ وہ اپنا حمل جن لیں اورجو اللہ تعالی سے ڈرے تواللہ تعالی اس کے کام میں آسانی فرمادے گا۔( مدارک الطلاق تحت الایۃ: ۴ ص۱۲۵۲) جن عورتوں کو حیض نہیں اتا ان کی عدت سے متعلق4شرعی مسائل: یہاں ایت کی مناسبت سے جن عورتوں کو حیض نہیں اتا ان کی عدت کے بارے میں4شرعی مسائل ملاحظہ ہوں : (1)… بڑھاپے کی وجہ سے جب حیض منقطع ہوجائے وہ سن ایاس ہےاور اس عمر میں پہنچی ہوئی عورت کی عدت تین ماہ ہے۔ (2)…لڑکی نابالغہ ہو یااس کے بالغ ہونے کی عمر تو آگئی مگر ابھی حیض نہیں شروع ہوا تو ان دونوں کی عدت تین ماہ ہے۔ (3)…حاملہ عورتوں کی عدت وضع حمل ہے خواہ وہ عدت طلاق کی ہو یا وفات کی۔ (4)…وضع حمل سے عدت پوری ہونے کے لیے کوئی خاص مدت مقرر نہیں موت یا طلاق کے بعد جس وقت بچہ پیدا ہو عدت ختم ہوجائے گی اگرچہ ایک منٹ بعد ۔ یونہی اگر حمل ساقط ہوگیا لیکن بچے کے اعضابن چکے ہیں تو عدت پوری ہوگئی اور بچے کے اعضاء بننے سے پہلے حمل ساقط ہوا تو عدت ختم نہیں ہوگی۔