Surah Al Araf Ayat 109 (7:109)

{ قال الملا من قوم فرعون:قوم فرعون کے سردار بولے۔ } جب حضرت موسی علیہ الصلوۃ والسلام نے اپنی صداقت ظاہر کرنے کیلئے دو معجزات دکھائے تو قوم فرعون کے سردار بولے: بیشک یہ توبڑے علم والا جادوگر ہے جس نے جادو سے نظر بندی کر دی اور لوگوں کو عصا اژدہا نظر آنے لگا اور گندمی رنگ کا ہاتھ آفتاب سے زیادہ روشن معلوم ہونے لگا۔ انہوں نے حضرت موسی علیہ الصلوۃ والسلام کے متعلق یہ بات اس لئے کہی کہ اس زمانے میں جادو کا بڑا زور تھا جادو کی بہت سی قسمیں تھیں اور بعض قسمیں بڑی حیران کن تھیں اسی لئے فرعون کی قوم نے حضرت موسی علیہ الصلوۃ والسلام کے بارے میں خیال کیا کہ یہ جادو میں بڑے ماہر ہیں پھر انہوں نے اپس میں ایک دوسرے سے کہا کہ انہوں نے اتنا بڑا جادو اس لئے پیش کیا ہے کہ یہ شائد ملک و ریاست کے طلبگار ہیں۔(خازن الاعراف تحت الایۃ: ۱۰۹ ۲ / ۱۲۵ تفسیر کبیر الاعراف تحت الایۃ: ۱۰۹ ۵ / ۳۳۰ ملتقطا)