Surah Al Araf Ayat 42 (7:42)

{ و الذین امنوا:اور وہ جو ایمان لائے ۔} اس سے پہلے چند ایات میں اللہ تعالی نے کفار کے لئے وعید اور اخرت میں جو کچھ ان کے لئے تیار فرمایا اس کا ذکر کیا اب ایمان والوں سے جو اللہ تعالی نے وعدہ فرمایا اور اخرت میں جو کچھ ان کیلئے تیار فرمایا اس کا ذکر فرما رہا ہے کہ جو لوگ ایمان لائے اور انہوں نے اچھے اعمال کئے تو وہ جنت والے ہیں اور وہ جنت میں ہمیشہ رہیں گے۔ اس سے دومسئلے معلوم ہوئے ایک یہ کہ ایمان اعمال پر مقدم ہے پہلے ایمان قبول کیا جائے اور بعد میں نیک کام کئے جائیں دوسرا یہ کہ کوئی شخص نیک اعمال سے بے نیاز نہیں چاہے کسی طبقے اور کسی جماعت سے اس کا تعلق ہو۔ { لا نكلف نفسا الا وسعها:ہم کسی پر طاقت سے زیادہ بوجھ نہیں رکھتے۔} اس ایت میں مسلمانوں کیلئے بہت پیاری تسلی ہے کہ اللہ عزوجل کسی کو اس کی طاقت سے زیادہ احکام کا پابند نہیں کرتا ۔ یہ اس بات کی طرف اشارہ ہے کہ جنت میں جانے کیلئے کوئی بہت زیادہ مشقت برداشت نہیں کرنا پڑے گی بلکہ اکثر وبیشتر احکام وہ ہیں جن پر ادمی نہایت سہولت کے ساتھ عمل کرلیتا ہے جیسے نماز روزہ اور دیگر عبادات۔ زکوۃ اور حج تو لازم ہی اس پر ہیں جواپنی سب ضروریات کے بعد زکوۃ اور حج کی ادائیگی کی بقدر زائد رقم رکھتے ہوں۔ یونہی ماں باپ بہن بھائیوں رشتے داروں اور پڑوسیوں کے حقوق وغیرہ کی ادائیگی بھی عمومی زندگی کا حصہ ہے۔ یونہی ذکرو درود بھی روح کی غذا ہے اور یہی اعمال جنت میں لے جانے والے ہیں۔ تو جنت میں جانے کا راستہ اللہ عزوجل نے نہایت اسان بنایا ہے صرف اپنی ہمت کا مسئلہ ہے۔[1] [1] نیک اعمال کی رغبت پانے کے لئے کتاب’’جنت میں لے جانے والے اعمال‘‘(مطبوعہ مکتبۃ المدینہ) کا مطالعہ بہت مفید ہےیونہی دعوت اسلامی کے ساتھ وابستگی بھی بہت فائدہ مند ہے۔