Surah Al Araf Ayat 54 (7:54)

{ ان ربكم الله:بیشک تمہارا رب اللہ ہے۔} گزشتہ ایات میں چونکہ قیامت کے احوال کا بڑی تفصیل سے تذکرہ ہوا اور یہاں سے اللہ عزوجل کی عظمت قدرت وحدانیت اوروقوع قیامت پر دلائل دئیے گئے ہیں۔اللہ عزوجل کی قدرت و وحدانیت کی دلیل اسمان و زمین کی تخلیق ہے کہ اللہ تعالی نے اسمان اور زمین کو پیدا کیا اور چھ دن میں پیدا کیا جیسا کہ اس ایت میں اور دیگر ایات میں فرمایا گیا۔ اگراسمان و زمین ایک لمحے میں پیداہوتے تو کسی کو شبہ ہوسکتا تھا کہ یہ ایک اتفاقی حادثہ ہے لیکن جب ان کی تخلیق ایک مخصوص مدت اور مخصوص طریقہ کار سے ہوئی تو معلوم ہوا کہ اس کو کسی اور نے وجود بخشا ہے۔ چھ دن میں تخلیق سے کیا مراد ہے اس کے متعلق بعض نے فرمایا کہ چھ دن سے مراد چھ ادوار ہیں اور اکثر نے فرمایا کہ دنیوی اعتبار سے جو چھ دن کی مقدار بنتی ہے وہ مراد ہے ۔ بہرحال جو بھی صورت ہو اللہ تعالی ہر صورت پر قادر ہے۔ اسمان و زمین کو 6دن میں پیدا کرنے کی حکمت: اللہ تعالی قادر تھا کہ ایک لمحہ میں یا اس سے کم میں زمین و اسمان پیدا فرما دیتا لیکن اتنے عرصے میں ان کی پیدائش فرمانا بہ تقاضائے حکمت ہے اوراس میں بندوں کے لئے تعلیم ہے کہ بندے بھی اپنے کام میں جلدی نہ کیا کریں بلکہ اہستگی سے کریں۔ جلد بازی سے متعلق 2احادیث: یہاں جلد بازی سے متعلق دو احادیث ملاحظہ ہوں : (1)… حضرت سہل بن ساعدی رضی اللہ تعالی عنہ سے روایت ہے حضور پر نورصلی اللہ تعالی علیہ والہ وسلم نے ارشاد فرمایا ’’ کام میں جلد بازی نہ کرنا اللہ تعالی کی طرف سے ہے اور جلد بازی شیطان کی طرف سے ہے۔ (ترمذی کتاب البر والصلۃ باب ما جاء فی التانی والعجلۃ ۳ / ۴۰۷ الحدیث: ۲۰۱۹) (2)…حضرت عبداللہ بن عباس رضی اللہ تعالی عنہما فرماتے ہیں رسول کریم صلی اللہ تعالی علیہ والہ وسلم نے شیخ عبد القیس سے فرمایا ’’ تم میں دو خصلتیں ایسی ہیں جو اللہ تعالی کو محبوب ہیں بردباری اور جلد بازی نہ کرنا (ترمذی کتاب البر والصلۃ باب ما جاء فی التانی والعجلۃ ۳ / ۴۰۷ الحدیث: ۲۰۱۸)۔ ([1]) { ثم استوى على العرش: پھر عرش پر جیسا اس کی شان کے لائق ہے استواء فرمایا۔} استواء کا لغوی معنی تو ہے کہ کسی چیز کا کسی چیز سے بلند ہونا کسی چیز کا کسی چیز پر بیٹھنا۔ یہاں ایت میں کیا مراد ہے اس کے بارے میں علماء کرام نے بہت مفصل کلام فرمایا ہے۔ ہم یہاں اعلی حضرت امام احمد رضا خان رحمۃاللہ تعالی علیہ کی ایک تصنیف کی روشنی میں ایک خلاصہ بیان کرتے ہیں جس سے اس ایت اور اس طرح کی جتنی بھی ایات ہیں ان کے بارے میں صحیح عقیدہ واضح ہوجائے۔ چنانچہ اعلی حضرت امام احمد رضا خان رحمۃاللہ تعالی علیہ فرماتے ہیں ’’انسب (یعنی زیادہ مناسب) یہی ہے کہ ایات متشابہات سے ظاہرا سمجھ انے والے معنی کوایک مناسب وملائم معنی کی طرف جو کہ محکمات سے مطابق اور محاورات سے موافق ہو پھیر دیا جا ئے تاکہ فتنے اور گمراہی سے نجات پائیں یہ مسلک بہت سے متاخرین علما ء کا ہے کہ عوام کی حالت کے پیش نظر اسے اختیار کیا ہے اسے’’ مسلک تا ویل‘‘ کہتے ہیں یہ علماء ایت’ ’ ثم استوى على العرش‘‘کی تاویل کئی طرح سے فرماتے ہیں ان میں چار وجہیں نفیس وواضح ہیں : اول : استواء بمعنی’’ قہر وغلبہ ‘‘ہے یہ معنی زبان عرب سے ثابت وپیدا (ظاہر) ہے عرش سب مخلو قات سے اوپر اور اونچا ہے اس لئے اس کے ذکر پر اکتفا ء فرمایا اور مطلب یہ ہوا کہ اللہ عزوجل تمام مخلوقات پرقاہر وغالب ہے۔ دوم : استواء بمعنی ’’علو ‘‘ہےا ور علو اللہ عزوجل کی صفت ہے علو مکان صفت نہیں بلکہ علو مالکیت و سلطان صفت ہے۔ سوم: استواء بمعنی ’’قصد وارادہ‘‘ ہے یعنی پھر عرش کی طر ف متوجہ ہوا یعنی اس کی ا فر نیش کا ارادہ فرمایا یعنی اس کی تخلیق شروع کی۔ چہا رم: استواء بمعنی ’’فراغ وتمامی کار ‘‘ ہے یعنی سلسلہ خلق وافر نیش کو عرش پر ختم فرمایا اس سے باہر کوئی چیز نہ پائی دنیا واخرت میں جو کچھ بنا یا اور بنائے گا دائرہ عرش سے باہر نہیں کہ وہ تمام مخلو ق کو حاوی ہے۔‘‘ (فتاوی رضویہ ۲۹ / ۱۲۴- ۱۲۶ ملخصا) مزید تفصیل کے لئے فتاوی رضویہ کی29ویں جلد میں موجود سیدی اعلی حضرت امام اہلسنت شاہ امام احمد رضا خان رحمۃاللہ تعالی علیہ کا رسالہ مبارکہ ’’ قوارع القھار علی المجسمۃ الفجار‘‘ (اللہ تعالی کے لئے جسم ثابت کرنے والے فاجروں کارد) کا مطالعہ فرمائیں۔ { یغشی الیل النهار:رات دن کو ایک دوسرے سے ڈھانپ دیتا ہے۔} ارشاد فرمایا کہ رات اور دن ایک دوسرے کو ڈھانپ لیتے ہیں یہاں ڈھانپنے سے مراد زائل کرنا ہے یعنی رات کا اندھیرا دن کی روشنی کو اور پھر ائندہ دن کی روشنی رات کے اندھیرے کو دور کر دیتی ہے نیز ان رات دن میں سے ہر ایک دوسرے کے پیچھے جلد جلد چلا ارہا ہے کہ دن رات کا ایسا سلسلہ قائم فرمایا جوکبھی ٹوٹتا نہیں اور اس نے سورج چاند ستاروں کو بنایا اور ایسا بنایا کہ نہ کبھی خراب ہوں اور نہ کبھی ان کو تبدیل کیا جاسکے مگر جب اللہ عزوجل چاہے۔ یہ سب اللہ عزوجل کے حکم کے پابند ہیں۔ کائنات میں تخلیق اور تصرف کا حقیقی اختیار صرف اللہ عزوجل کو ہے اور اسی کی ذات خیر و برکت والی ہے کہ اسی کا فیضان جاری و ساری ہے اور سب برکتیں عنایتیں اور رحمتیں اسی کی طرف سے ہیں۔ [1] …جلد بازی کی مذمت اور اس سے متعلق دیگر چیزوں کی معلومات حاصل کرنے کے لئے کتاب’’جلد بازی‘‘ (مطبوعہ مکتبۃ المدینہ) کا مطالعہ فرمائیں۔